Íþróttir | Körfubolti | mbl | 18.1.2025 | 10:24 | Uppfært 10:39

LeBron öflugur í naumum sigri

LeBron James skoraði 29 stig í nótt. AFP/Katelyn Mulcahy/

LeBron James var atkvæðamestur fyrir LA Lakers í bandarísku NBA-deildinni í körfubolta í nótt þegar liðið sigraði Brooklyn Nets, 102:101.

LeBron skoraði 29 stig, tók sjö fráköst og gaf átta stoðsendingar í sigrinum. Hjá Brooklyn var D'Angelo Russell atkvæðamestur en hann skoraði 19 stig, tók sex fráköst og gaf átta stoðsendingar gegn sínu gamla liði. Russell klúðraði þriggja stiga skoti þegar 2,6 sekúndur voru eftir af leiknum og LA vann annan leik liðsins í röð.

LeBron & Reaves TOOK OVER for the @Lakers in the 4Q!

🌟 Scored 25 of LAL's 30 PTS
🌟 AR: 15 PTS (6-11 FGM)
🌟 LBJ: 10 PTS (4-4 FGM) pic.twitter.com/eb7N5HKgEW
— NBA (@NBA) January 18, 2025

Anthony Edwards skoraði 36 stig, tók 13 fráköst og gaf sjö stoðsendingar í 116:99-sigri Minnesota Timberwolves gegn New York Knicks. Jalen Brunson var atkvæðamestur fyrir New York með 26 stig.