Valskonur fjarlægðust botnsvæðið

Valur styrkti stöðu sína í sjöunda sæti deildarinnar með naumum sigri gegn nýliðum Aþenu í 15. umferð úrvalsdeildar kvenna í körfuknattleik á Hlíðarenda í kvöld.

Leiknum lauk með tveggja stiga sigri Vals, 63:61, en Alyssa Cerino var stigahæst hjá Valskonum með 16 stig, fjögur fráköst og eina stoðsendingu.

Valsonur eru með 12 stig í sjöunda sætinu, líkt og Stjarnan og hafa unnið sex leiki í deildinni á tímabilinu en Aþena, sem er í 9. sætinu með 6 stig, hefur tapað sjö deildarleikjum í röð.

Valur byrjaði leikinn betur og leiddi með ellefu stigum að fyrsta leikhluta loknum, 26:15. Aþenu tókst að minnka forskot Valskvenna í átta stig í öðrum leikhluta og var staðan 43:35, Val í vil, í hálfleik.

Mikið jafnræði var með liðunum í síðari hálfleik en Valskonum létu forystuna þó aldrei af hendi og fögnuðu naumum sigri í leikslok.

Jiselle Thomas skoraði 11 stig fyrir Val, tók eitt frákast og gaf tvær stoðsendingar en Ajulu Thatha var stigahæst hjá Aþenu með 11 stig og fimm fráköst.

• Blogga um frétt