Með tröllatvennu fyrir Lakers
Setja bókamerki
Anthony Davis átti magnaðan leik fyrir LA Lakers þegar liðið hafði betur gegn Charlotte Hornets, 112:107, í NBA-deildinni í körfuknattleik í nótt.
Davis var með sannkallaða tröllatvennu en hann skoraði 42 stig og tók auk þess 23 fráköst.
Miles Bridges var atkvæðamestur hjá Charlotte með 26 stig og átta fráköst.
Litháinn Domantas Sabonis náði líkt og Davis tröllatvennu og var raunar með þrennu þegar hann skoraði 21 stig, tók 22 fráköst og gaf tíu stoðsendingar fyrir Sacramento Kings í sigri á Brooklyn Nets, 110:96.
Jókerinn með þrennu
Á þeim nótum var Serbinn Nikola Jokic einu sinni sem áður með þrefalda tvennu fyrir Denver Nuggets en gat þó ekki komið í veg fyrir tap fyrir Chicago Bulls, 129:121.
Jókerinn skoraði 33 stig, tók 12 fráköst og gaf 14 stoðsendingar.
Jokic er í þriðja sæti yfir flestar þrefaldar tvennur í sögu NBA-deildarinnar en þær eru nú 151. Miðherjinn magnaði verður þrítugur í næsta mánuði og ef fram heldur sem horfir mun Jókerinn slá metið.
Oscar Robertson er í öðru sæti með 181 þrefalda tvennu og hinn 36 ára gamli Russell Westbrook, sem er enn að spila, er í efsta sæti með 202.
Önnur úrslit:
Cleveland - Detroit 110:91
Boston - Houston 112:114
Miami - Orlando 125:119 (2x frl.)
New York - Memphis 143:106
Toronto - New Orleans 113:104
Minnesota - Atlanta 100:92
Dallas - Washington 130:108
Utah - Milwaukee 110:125
Phoenix - LA CLippers 111:109
„Við treystum því að þetta muni fara vel“
Óljóst um niðurstöðu styrkjamálsins
Stefna á úrslitatilraun til að höggva á hnútinn
Nauðgunarmál Inga Vals klauf Hæstarétt
„Við erum ekki í neinu stríði við kennara“
Áhyggjuefni ef gos hefst í vondu veðri
Inga Sæland, eineltið og lögin í landinu
Ræna fólki og neyða í herþjónustu