Stólarnir of sterkir fyrir Hattarmenn

Tindastóll gerði góða ferð á Egilsstaði og lagði þar Hött að velli, 97:85, í 16. Umferð úrvalsdeildar karla í körfuknattleik í kvöld.

Tindastóll er áfram í öðru sæti deildarinnar, nú með 24 stig, og Höttur er enn í 11. og næstneðsta sæti með átta stig.

Höttur byrjaði leikinn betur og komst mest níu stigum yfir, 13:22, í fyrsta leikhluta. Tindastóll lagaði hins vegar stöðuna í 23:26 áður en leikhlutinn var úti og var svo með nauma forystu, 51:48, í hálfleik.

Í síðari hálfleik sýndi Tindastóll mátt sinn og megin og var 14 stigum yfir, 73:59, þegar þriðji leikhluti var rúmlega hálfnaður. Munurinn var 15 stig, 80:65, þegar þriðji leikhluti var á enda.

Höttur reyndi að saxa á forskot Tindastóls í fjórða leikhluta, hafði ekki erindi sem erfiði og Stólarnir unnu að lokum tólf stiga sigur.

Stigahæstur í leiknum var Giannis Agravanis með 27 stig, sex fráköst og fimm stolna bolta fyrir Tindastól.

Obadiah Trotter var stigahæstur hjá Hetti með 24 stig og sex fráköst.

Höttur - Tindastóll 85:97

MVA-höllin Egilsstöðum, Bónus deild karla, 30. janúar 2025.

Gangur leiksins:: 7:5, 18:11, 22:16, 26:21, 30:29, 36:39, 38:46, 48:51, 54:62, 56:68, 60:73, 65:77, 75:80, 78:86, 85:94, 85:97.

Höttur: Obadiah Nelson Trotter 24/6 fráköst, Justin Roberts 16/5 stoðsendingar, Gustav Suhr-Jessen 12/4 fráköst, Eysteinn Bjarni Ævarsson 8/4 fráköst, Matej Karlovic 8/8 fráköst, Gedeon Dimoke 6/4 fráköst, Nemanja Knezevic 6/5 fráköst, Adam Eiður Ásgeirsson 5/4 fráköst.

Fráköst: 28 í vörn, 10 í sókn.

Tindastóll: Giannis Agravanis 27/6 fráköst/5 stolnir, Sigtryggur Arnar Björnsson 18, Dedrick Deon Basile 14/5 fráköst/5 stoðsendingar, Sadio Doucoure 12/10 fráköst, Adomas Drungilas 11/4 fráköst, Davis Geks 10, Ragnar Ágústsson 2, Pétur Rúnar Birgisson 2/6 fráköst/7 stoðsendingar, Hannes Ingi Másson 1.

Fráköst: 27 í vörn, 7 í sókn.

Dómarar: Sigmundur Már Herbertsson, Davíð Kristján Hreiðarsson, Guðmundur Ragnar Björnsson.

Áhorfendur: 145

• Blogga um frétt