Íþróttir | Körfubolti | mbl | 6.2.2025 | 9:26 | Uppfært 9:58

Fóru með himinskautum í nótt

Anthony Edwards fagnar troðslu sinni fyrir Minnesota Timberwolves í nótt. AFP/Christian Petersen

Shai Gilgeous-Alexander skoraði 50 stig fyrir Oklahoma City Thunder og Anthony Edwards 49 stig fyrir Minnesota Timberwolves þegar liðin unnu góða sigra í NBA-deildinni í körfuknattleik í nótt.

Gilgeous-Alexander fór á kostum er Oklahoma City fór illa með Phoenix Suns og vann 140:109. Bætti hann auk þess við átta fráköstum.

Edwards átti þá stórleik fyrir Minnesota í 127:108-sigri á Chicago Bulls. Hann tók einnig níu fráköst.

Stórleikur Cades Cunninghams fyrir Detroit Pistons dugði þá ekki til er liðið tapaði naumlega fyrir Cleveland Cavaliers, 115:118.

Cunningham skoraði 38 stig, tók sjö fráköst og gaf níu stoðsendingar. Evan Mobley var atkvæðamestur hjá Cleveland með 30 stig, níu fráköst og sjö stoðsendingar.

Önnur úrslit:

Charlotte – Milwaukee 102:112
Atlanta – San Antonio 125:126
Brooklyn – Washington 102:119
Philadelphia – Miami 101:108
Toronto – Memphis 107:138
Utah – Golden State 131:128
Denver – New Orleans 144:119