Njarðvík fór illa með KR-inga
Setja bókamerki
Njarðvík og KR mættust í úrvalsdeild karla í körfubolta í Innri-Njarðvík í kvöld og lauk leiknum með 24 stiga sigri Njarðvíkinga 103:79. Var þetta liður í 17. umferð Íslandsmóts karla í körfubolta.
Eftir leikinn eru Njarðvíkingar með 22 stig í þriðja sæti en KR er áfram með 16 stig.
Njarðvíkingar mættu gríðarlega grimmir til leiks og ætluðu heldur betur að hefna fyrir risatapið í bikarnum gegn KR á dögunum. Njarðvíkingar komust í 5:0 og byggðu upp gott forskot sem þeir héldu út leikhlutann. Mestur var munurinn í leikhlutanum 12 stig þegar Khalil Shabazz setti þrist þegar 0,6 sekúndur voru eftir af leikhlutanum. Staðan eftir fyrsta leikhluta var 28:16 fyrir Njarðvík.
KR-ingar byrjuðu annan leikhluta af krafti og settu strax niður þrist. Þeir gengu enn lengra og minnkuðu muninn niður í 6 stig. Njarðvíkingar voru ekki á þeim buxunum að gefast upp og juku muninn aftur og náðu 13 stiga forskoti með þriggja stiga körfu frá Veigari Páli Alexandersyni í stöðunni 40:27. Þá tóku KR-ingar leikhlé.
Leikhlé breytti litlu fyrir KR því Njarðvíkingar léku á alls oddi í öðrum leikhluta. Þegar 1 mínúta og 30 sekúndur voru eftir af leikhlutanum var staðan 50:31, 19 stiga munur.
KR-ingar reyndu að saxa á forskot Njarðvíkur og tókst það tímabundið en þá settu Njarðvíkingar í næsta gír og juku muninn í 20 stig fyrir hálfleik.
Staðan í hálfleik var 54:34 fyrir Njarðvík.
Mario Matasovic skoraði 13 stig í fyrri hálfleik fyrir Njarðvík. Linards Jaunzems skoraði 11 stig fyrir KR. Dominykas Milka átti frábæran fyrri hálfleik fyrir Njarðvík og skoraði 9 stig og tók 8 fráköst. Í liði KR var Veigar Áki Hlynsson með 4 fráköst.
Þriðji leikhluti var sveiflukenndur. Njarðvíkingar náðu 23 stiga forskoti þegar Khalil Shabazz setti þrist í stöðunni 57:34. Kr-ingar reyndu að minnka muninn og tókst það á köflum en Njarðvíkingar juku forskotið aftur, bættu um betur og náðu 24 stiga forskoti í stöðunni 73:49. Eftir þetta fóru KR-ingar að saxa á forskotið og náðu að minnka muninn í 18 stig fyrir fjórða leikhluta. Staðan eftir þriðja leikhluta var 78:60.
Það kom alvöru áhlaup frá liði KR í fjórða leikhluta. Þeir léku á als oddi og minnkuðu muninn niður í 11 stig í stöðunni 82:71 þegar 6:58 voru eftir af leiknum. Þá tók Rúnar Ingi Erlingsson leikhlé enda allt að ganga upp hjá KR og ekkert hjá Njarðvík.
KR-ingar minnkuðu muninn niður í 10 stig eftir leikhlé Njarðvíkur í stöðunni 84:74. Þá fór Mario Matasovic á vítapunktinn fyrir Njarðvík og kom þeim 12 stigum yfir í stöðunni 86:74.
Njarðvíkingar ætluðu ekki að gefa sigurinn eftir, stoppuðu áhlaup KR-inga og byrjuðu að byggja upp forskot sitt að nýju. Þegar 2:54 voru eftir af leiknum var staðan orðin 94:74, 20 stiga munur.
Njarðvíkingar voru ekki hættir. Þeim tókst að auka muninn í 24 stig í stöðunni 101:77 og svo aftur í 103:79 sem urðu lokatölur leiksins.
Dwayne Lautier-Ogunleye skoraði 24 stig fyrir Njarðvíkinga og Dominykas Milka tók 12 fráköst.
Í liði KR var Þórir Guðmundur Þorbjarnarson með 18 stig og Þorvaldur Orri Árnason tók 6 fráköst.
Njarðvík - KR 103:79
IceMar-höllin, Bónus deild karla, 06. febrúar 2025.
Gangur leiksins:: 7:2, 12:6, 18:12, 28:16, 30:21, 37:27, 48:31, 54:34, 59:39, 69:48, 73:55, 78:60, 82:69, 86:74, 94:77, 103:79.
Njarðvík: Dwayne Lautier-Ogunleye 24/8 fráköst, Mario Matasovic 20/7 fráköst, Evans Raven Ganapamo 17, Khalil Shabazz 15/4 fráköst/6 stoðsendingar, Dominykas Milka 13/12 fráköst/5 stoðsendingar, Veigar Páll Alexandersson 12/6 fráköst, Isaiah Coddon 2.
Fráköst: 30 í vörn, 10 í sókn.
KR: Þórir Guðmundur Þorbjarnarson 18/6 fráköst/8 stoðsendingar, Þorvaldur Orri Árnason 15/6 fráköst, Linards Jaunzems 15/5 fráköst, Orri Hilmarsson 8, Friðrik Anton Jónsson 8, Vlatko Granic 8/4 fráköst/5 stoðsendingar, Jason Tyler Gigliotti 4/4 fráköst, Veigar Áki Hlynsson 3/4 fráköst.
Fráköst: 27 í vörn, 5 í sókn.
Aðrir virkir leikir
| Tyrkland | 83:76 | Ísland |
|
|---|---|---|---|
| skorar | |||
| Liverpool | 4:0 | Tottenham |
|
|---|---|---|---|
| Leik lokið Liverpool mætir Newcastle á Wembley í úrslitaleik deildabikarsins þann 16. mars næstkomandi! | |||
Leiklýsing
| Njarðvík | 103:79 | KR |
|
|---|---|---|---|
| skorar | |||
Ábatinn gæti verið meiri en áhættan
Nýjar myndir sýna tjónið sem blasir við
Eiga að loka flugbrautinni fyrir laugardag
Ekki mormóni þó hugmyndafræðin sé stúderuð
„Ljósið lifir“
Fær þingsætið þrátt fyrir skilorðsbundinn dóm
Stórbætt eftirlit með nýjum ratsjám