„Til­finn­ing­in er ótrú­lega góð. Hún er al­veg mögnuð. Það er þreyta vissu­lega eft­ir leik­inn en bara gleði, ham­ingja og stolt. Það er fyrst og fremst stolt,“ sagði Tryggvi Snær Hlina­son, leikmaður Íslands í körfu­bolta, eft­ir að liðið tryggði sér sæti á EM 2025 í kvöld.

Ísland lagði Tyrk­land 83:71 í Laug­ar­dals­höll­inni eft­ir að hafa tapað fyr­ir Ung­verjalandi ytra á fimmtu­dag. Spurður hvað liðið hafi bætt á milli leikj­anna tveggja sagði Tryggvi:

„Við viss­um al­veg hvað við átt­um að gera. Þetta er nátt­úr­lega svo­lítið öðru­vísi lið og við nýtt­um okk­ur það. Við viss­um að þeir myndu ráðast á okk­ur niðri en við náðum að loka vel á þá.

Ég held að við höf­um verið mjög góðir þar og við vor­um að frá­kasta. Fyrst og fremst var þetta orr­usta. Við vor­um að berj­ast all­an tím­ann, sýnd­um hvað við get­um og héld­um þeim í skefj­um all­an leik­inn.“

Tryggvi Snær Hlina­son ræðir við RÚV eft­ir leik­inn í kvöld. mbl.is/Ó​laf­ur Árdal

Menn voru glæsi­leg­ir í dag

Ísland hóf bæði leik­inn gegn Ung­verjalandi og gegn Tyrklandi á því að kom­ast í 14:4. Gegn Ung­verjalandi seig hins veg­ar á ógæfu­hliðina en gegn Tyrkj­um tókst ís­lenska liðinu að láta kné fylgja kviði.

„Við fylgd­um þessu eft­ir. Þeir komust alltaf aðeins inn í leik­inn en við náðum svona að halda stjórn­inni all­an tím­ann. Við viss­um það sér­stak­lega í þriðja leik­hluta að við þyrft­um að byrja vel upp á að halda í for­yst­una og við gerðum það. Þetta var al­gjör­lega til fyr­ir­mynd­ar,“ sagði hann.

Íslenska liðið hitti ein­stak­lega vel úr þriggja stiga skot­um sín­um í leikn­um í kvöld.

„Við vor­um fyrst mjög dug­leg­ir að ráðast á körf­una og vor­um að fá mjög mikið úr því. Mér finnst eins og þeir hafi síðan breytt til og ákveðið að veðja á að við mynd­um klikka á skot­um fyr­ir utan en menn settu þessi skot og voru glæsi­leg­ir í dag,“ sagði Tryggvi.

Öðru­vísi hlut­verk frá því á síðasta EM

Hann tók í fyrsta sinn þátt á EM 2017 og er því á leið á sitt annað Evr­ópu­mót í haust.

„Það er magnað. Á fyrsta mót­inu var maður nátt­úr­lega bara ung­ur, krakki eða þannig. Það er búið að breyt­ast svo­lítið hlut­verk manns í liðinu en ég er ótrú­lega spennt­ur.

Ég held að það verði al­veg magnað og ég get ekki beðið eft­ir sumr­inu, meira en vana­lega. Þetta verður al­veg frá­bært,“ sagði Tryggvi að lok­um í sam­tali við mbl.is.

Tengd­ar frétt­ir

Karla­landsliðið í körfu­bolta

Mart­in einn sá besti í undan­keppn­inni

• Tryggvi einn sá besti
• Stefna á fyrsta sig­ur­inn á EM
• Níu ára grein Morg­un­blaðsins stend­ur fyr­ir sínu
• Stór­kost­leg ís­lensk tilþrif (mynd­skeið)

» Fleiri tengd­ar frétt­ir

• Blogga um frétt