Njarðvík og Þór líklegri

Það þarf alla­vega mikið að breyt­ast hjá Hamri/Þ​ór og Grinda­vík ef þau ætla að vinna sína leiki. Ég myndi aldrei úti­loka það en ef ég á að fara að tippa væri það á Njarðvík – Þór, eins og flest­ir held ég.

Ég verð að vera svo­lítið í meg­in­straumn­um í þetta skiptið,“ sagði Bene­dikt Guðmunds­son, þjálf­ari karlaliðs Tinda­stóls og fyrr­ver­andi þjálf­ari ís­lenska kvenna­landsliðsins, beðinn um að rýna í undanúr­slita­leiki bik­ar­keppni kvenna í körfuknatt­leik sem fara fram í Smár­an­um í Kópa­vogi í kvöld.

Njarðvík og Ham­ar/Þ​ór ríða á vaðið klukk­an 17.15 og Grinda­vík og Þór frá Ak­ur­eyri mæt­ast svo klukk­an 20. Morg­un­blaðið fékk Bene­dikt til að rýna í hvert lið fyr­ir sig, mögu­leika þeirra í undanúr­slit­um og lyk­il­menn liðanna.

Njarðvík get­ur unnið titla

„Njarðvík­urliðið er búið að vera gríðarlega flott. Þessi stefna sem Njarðvík tók með þetta lið, að ná þess­ari blöndu af virki­lega sterk­um út­lend­ing­um og síðan ung­um og efni­leg­um stelp­um, hef­ur al­veg svín­virkað fyr­ir Njarðvík í vet­ur.

Þrátt fyr­ir að bæði fækka er­lend­um leik­mönn­um og missa síðan tvo frá­bæra Íslend­inga hef­ur liðið ein­hvern veg­inn styrkst. Ein­ar Árni [Jó­hanns­son þjálf­ari] er bú­inn að búa til þrusulið. Þetta síðasta púsl í Paul­inu Hersler hef­ur tekið þetta lið úr því að vera eitt­hvert svona spútniklið í að verða lið sem get­ur unnið titla og þar á meðal bik­ar­inn núna um næstu helgi.

Bene­dikt fer ít­ar­lega yfir liðin fjög­ur sem leika í undanúr­slit­un­um í Morg­un­blaðinu í dag.