Íslandsmeistararnir niðurlægðu bikarmeistarana

Það verða Vals­menn sem mæta KR-ing­um í úr­slita­leik bik­ar­keppni karla í körfu­bolta eft­ir 91:67-sig­ur á Kefla­vík í undanúr­slit­um keppn­inn­ar í Smár­an­um í kvöld. 

Kefl­vík­ing­ar byrjuðu leik­inn vel og komust í 4:0. Þá vöknuðu Vals­menn til lífs­ins og hófu leik­inn fyr­ir sína parta með því að skora níu stig í röð. Kefl­vík­ing­um tókst að saxa á for­skot Vals fyr­ir lok fyrsta leik­hluta og var staðan 21:19 fyr­ir Val þegar fyrsta leik­hluta lauk. 

Vals­menn sýndu af hverju þeir eru ríkj­andi Íslands­meist­ar­ar í öðrum leik­hluta. Þeir gjör­sam­lega yf­ir­spiluðu Kefl­vík­inga á tíma­bili og settu hverja þriggja stiga körf­una á fæt­ur ann­arri. 

Tvær þriggja stiga körf­ur í röð frá Kristni Páls­syni og önn­ur frá Kára Jóns­syni kom Vals­mönn­um held­ur bet­ur á bragðið og var staðan orðin 34:26. Vals­menn hættu ekki þarna held­ur héldu áfram að byggja upp for­skot sitt. Þegar öðrum leik­hluta lauk var mun­ur­inn orðinn 16 stig og staðan 51:35 fyr­ir Val.

Vals­menn stjórnuðu ferðinni

Seinni hálfleik­ur byrjaði eins og sá fyrri endaði. Vals­menn réðu ríkj­um frá upp­hafi þriðja leik­hluta og þegar rétt um þrjár mín­út­ur voru liðnar af leik­hlut­an­um voru Vals­menn 20 stig­um yfir í stöðunni 59:39. 

Kefl­vík­ing­ar náðu á tíma­bili að klóra í bakk­ann og minnka mun­inn í 15 stig í stöðunni 51:46 fyr­ir Val. Þá kom enn eitt áhlaupið frá Vals­mönn­um sem má segja að hafi varað út leik­hlut­ann. 

Vals­menn settu niður hvern þrist­inn á fæt­ur öðrum og lokakarfa þriðja leik­hluta var skraut­leg þegar Krist­inn Páls­son fór í hraðaupp­hlaup, setti bolt­ann yfir körf­una og þar mætti Taiwo Hass­an Badm­us og tróð bolt­an­um viðstöðulaust í körf­una. Sann­kölluð sirku­skarfa og staðan 77:49 og Vals­menn að leika sér að Kefl­vík­ing­um í þess­um undanúr­slita­leik.

Það er í raun lítið sem þarf að segja um fjórða leik­hlut­ann sem var forms­atriði fyr­ir Vals­menn enda með unn­inn leik eft­ir stór­kost­leg­an ann­an og þriðja leik­hluta. 

Hrósa þarf Kefl­vík­ing­um fyr­ir að hætta aldrei þrátt fyr­ir að eiga aldrei mögu­leika á að vinna sig inn í leik­inn og reyndu þeir að laga stöðuna eins og hægt var. 

Fór svo að Vals­menn unnu 24 stiga sig­ur og mæta erkifjend­um sín­um úr KR í úr­slita­leik á laug­ar­dag. 

Call­um Reese Law­son skoraði 12 stig og tók Remu Emil Raitan­en átta frá­köst fyr­ir Kefla­vík. Krist­inn Páls­son skoraði 21 stig og Adam Ramsted tók átta frá­köst fyr­ir Val.

Lýs­ing upp­fær­ist sjálf­krafa

All­ar lýs­ing­ar í beinni

Kefla­vík	67:91	Val­ur	Opna lýs­ingu Loka
99. mín. skor­ar
mín. 39 67:91. Frosti Sigurðsson með fallega troðslu fyrir Keflavík. Smá sárabætur vonandi. 39 65:89. Valsmenn eru í sókn. 24 stiga munur og 1:35 eftir af leiknum. 38 64:89. Valsmenn með tvist. 38 64:87. Keflvíkingar eru farnir að týnast út úr Smáranum. Orðið ansi tómlegt í stúkunni þeirra. 37 64:87. Joshua er kominn með 5 villur og leikur ekki meira með. 36 61:87. Kristinn Pálsson með enn einn þristinn. 35 61:84. Jaka Brodnik setur þrist. 34 58:84. Þristur frá Valsmönnum og munurinn er 26 stig. Valsmenn vinna síðan boltann. 34 57:81. Keflvíkingar búnir að minnka muninn í 24 stig. 33 53:81. Valsmenn eru að sigla þessum sigri þægilega heim. 33 53:81. Valsmenn eru að sigla þessum sigri þægilega heim. 31 51:77. Ty-Shon með stig fyrir Keflavík. 31 Fjórði leikhluti hafinn 49:77. Valsmenn byrja fjórða leikhluta og ætla að auka muninn í amk 30 stig. 30 Þriðja leikhluta lokið 49:77. 28 stiga munur og Keflavík er aldrei að fara vinna þann mun upp á 10 mínútum. 30 49:77. Valsmenn eru að niðurlægja Keflvíkinga hér. Kristinn Pálsson setur boltann upp í loftið í hraðaupphlaupi og Badmus treður viðstöðulaust. Sannkölluð sirkus troðsla. 30 49:72. Joshua setur aftur þrist. 30 49:72. Joshua setur þrist. 28 46:69. Kristinn Pálsson setur þrist og veitir Keflvíkingum hér náðarhöggið í þessum leik. Munurinn er 23 stig og Valsmenn eru að fara í bikarúrslitaleikinn á laugardaginn. Ég segi það og skrifa hér! 27 46:66. Þeir hinsvegar raðast niður hjá Val. Hjálmar setur hér einn þegar skotklukkan baular. Gild karfa. Munurinn er aftur kominn í 20 stig. 26 46:63. Þristarnir hjá Keflavík eru bara ekki að fara ofan í. Þeir voru að reyna enn einn. 26 46:63. Tvistur frá Joshua en vítið sem hann fékk að auki fór ekki niður. 25 46:51. Ty-Shon með tvö víti niður. 15 stiga munur. 25 44:61. Keflavík setti þrist á móti tvistinum frá Val og munurinn er 17 stig og Keflvíkingar vinna boltann. Vonandi eru þeir að komast í gang því við viljum að sjálfsögðu fá háspennu og dramatík hérna í Smáranum. 25 41:59. Hilmar setur niður tvö vítaskot fyrir Keflavík. 18 stiga munur. 24 39:59. Keflavík reynir þrist. Hitta ekki. Valsmenn eru í sókn en tapa boltanum. 24 39:59. Þristur frá Kristni Pálssyni og hann virðist vera að fá vítaskot að auki. Brotið á honum í loftinu. Dómararnir ætla að kíkja á sjónvarpið. 24 39:56. Tvistur frá Keflavík. 24 37:56. Þá kemur bara gullfallegur þristur frá Badmus. 23 37:53. Brodnik með tvist. 23 35:53. Þristarnir vilja ekki niður hjá Keflavík. Þeir verða samt að fara gera það því annars fer þetta að verða einstefna fyrir Valsmenn og það vill enginn horfa á þannig undanúrslitaleik. Nema kannski Valsmenn. 22 35:53. Skotklukkan rennur út hjá Valsmönnum og Keflavík er í sókn. 22 35:53. Keflavík missr boltann og Valsmenn sækja. 21 35:53. Valsmenn hinsvegar setja tvist og munurinn er 18 stig. Mikil brekka framundan hjá Keflavík. 21 35:51. Keflvíkingar klikka á sinni fyrstu sókn í seinni hálfleik. 21 Síðari hálfleikur hafinn 35:51. Keflavík byrjar leikinn og freistar þess að minnka muninn í leikinn. 20 Hálfleikur 35:51. Valsmenn fara með 16 stiga forskot inn í hálfleikinn. 20 35:51. Joshua með þrjú vítaskot niður. 20 35:48. Þristur frá Keflvíkingum og munurinn er 13 stig. 19 32:48. Enn einn þristurinn frá Valsmönnum. 19 32:45. Nigel Pruitt með tvö vítaskot niðri. 19 30:45. Kristinn Pálsson setti tvist og fékk að auki víti sem hann setti niður. 18 30:42. Halldór Garðar setur nður tvö vítaskot og minnkar muninn í 12 stig. 18 28:42. Það gengur ekkert hjá Keflavík í þessum leikhluta. Þeir eru bara hættir að hitta. Valsmenn eru í sókn. 17 28:42. Kristinn Pálsson setur tvist og er kominn með 9 stig í þessum leikhluta. 14 stiga munur. 16 28:40. Callum setti tvist fyrir Keflavik en Kristinn Pálsson setti sinn þriðja þrist í þessum leikhluta. 12 stiga munur. 15 26:37. Valsmenn 11 stigum yfir. Keflavík þarf að fara komast í gang aftur. 15 26:36. 10 stiga minur og Adam er að auki á leiðinni á vítalínuna. 15 26:34. Þrír þristar í röð frá Valsmönnum og Sigurður Ingimundarson verður að stoppa blæðinguna og tekur leikhlé. Kári með þennan flotta þrist. Hann er kominn í 8 stig. 14 26:31. Kristinn Pálsson með annan þrist. 5 stiga munur. 14 26:28. Kristinn Pálsson setur þrist og Valsmenn leiða með tveimur stigum. Valsmenn vinna síðan boltann og eru í sókn. 13 26:25. Hilmar með tvist og Keflavík er yfir. 13 24:25. Kári með tvist og nú er Valur yfir. 13 24:23. Hilmar setur vítið niður og Keflavík er stigi yfir. 13 21:23. Acox kemur Val yfir. 12 23:23. Hilmar setur tvist og fær að auki víti. 12 21:21. Allt jafnt. Remu jafnar fyrir Keflavík. 11 19:21. Keflvíkingar stela boltanum og fara í sókn. Callum reynir þrist en klikkar. Valsmenn eru því aftur komnir í sókn. Bæði lið búin að klikka á sínum fyrstu sóknum í öðrum leikhluta. 11 Annar leikhluti hafinn 19:21. Valsmenn byrja annan leikhluta. 10 Fyrsta leikhluta lokið 19:21. Valsmenn leiða með tveimur stigum. 10 19:21. Callum treður boltanum fyrir Keflavík. 23,8 sekúndur eftir af fyrsta leikhluta. 10 17:21. Joshua með þrist fyrir Valsmenn. 9 17:18. Valsmenn með tvist og eru yfir. 9 17:16. Og annar þristur frá Keflavík. Þeim er að rigna núna. 8 16:14. Þristur frá Valsmönnum. 8 14:13. Igor Maric kemur Keflavík yfir með þristi. 6 11:13. Valsmenn settu tvist en þá kom þristur frá Igor Maric. Tveggja stiga munur og Keflavík er í sókn. 5 8:11. Brotið á Callum í loftinu en hann setur boltann ofan í og fær að auki víti. 5 6:11. Valsmenn með tvist. 5 6:9. Callum með tvö víti niður fyrir Keflavík. 4 4:9. 9 stig í röð frá Valsmönnum. Adam með tvist. 3 4:7. 7 stig í röð frá Valsmönnum. Kári með þrist. 3 4:4. Valur jafnar. Acox með troðslu! 2 4:2. Adam setur fyrstu stig Vals í kvöld. Það er troðsla takk fyrir! 1 4:0. Keflvíkingar vinna boltann og Jaka setur tvist. 1 2:0. Ty-Shon kemur Keflvíkingum yfir. 1 Leikur hafinn 0:0. Leikurinn er hafinn og það er Keflavík sem vinnur uppkastið. 0 0 Það eru um 10 mínútur í að leikurinn hefjist og liðin eru að klára upphitun. Það er farið að þéttast ansi vel í stúkum liðanna. Keflvíkingar eru byrjaðir að syngja og tralla. Hlíðarendafólk situr rólegt og bíður eftir leiknum allt þangað til leikmenn þeirra hlaupa inn á völlinn en þá kviknar heldur betur á þeim. 0 Lið Valsmanna í kvöld: Adam Ramstedt, Hjálmar Stefánsson, Ástþór Atli Svalason, Taiwo Hassan Badmus, Kristófer Acox, Frank Aron Booker, Kristinn Pálsson, Joshua Jefferson, Kári Jónsson, Finnur Tómasson, Karl Kristján Sigurðarson og Björn Kristjánsson. 0 Lið Keflavíkur í kvöld Einar Örvar Gíslason, Jaka Brodnik, Frosti Sigurðsson, Ty-Shon Alexander, Halldór Garðar Hermannsson, Jakob Máni Magnússon, Hilmar Pétursson, Callum Reese Lawson, Sigurður Pétursson, Nigel Pruitt, Remu Emil Raitanen og Igor Maric. 0 Valsmenn hafa unnið síðustu tvær viðureignir liðanna. Síðast fóru leikar 80:71 og þar á undan vann Valur 24 stiga sigur. Fyrirfram segja flestir að Valsmenn fari í úrslitaleikinn en það skal aldrei afskrifa Keflavíkurhraðlestina og þá sérstaklega í ljósi þess að KR vann Stjörnuna hér fyrr í kvöld, þvert á spár margra. 0 Það er ljóst að KR-ingar munu leika til úrslita gegn öðru hvoru liðinu sem hér eru að mætast næsta laugardag. 0 Komiði sæl og blessuð og verið velkomin með mbl.is í beina textalýsingu frá leik Keflavíkur og Vals í undanúrslitum bikarkeppni karla í körfubolta. Sjá meira Sjá allt Dómarar: Bjarki Þór Davíðsson, Jóhannes Páll Friðriksson og Davíð Kristján Hreiðarsson Lýsandi: Jón Kristinn Jónsson Völlur: Smárinn

• Blogga um frétt