Mataði liðsfélagana í naumu tapi

Mart­in Her­manns­son, landsliðsmaður í körfuknatt­leik, var dug­leg­ur að mata liðsfé­laga sína með góðum send­ing­um þegar lið hans Alba Berlín tapaði naum­lega fyr­ir Wurzburg, 80:84, í þýsku úr­vals­deild­inni í gær.

Mart­in hélt sig til hlés þegar kom að stiga­skor­un, skoraði aðeins þrjú stig, en gaf tíu stoðsend­ing­ar á þeim 18 mín­út­um sem hann lék með Alba Berlín.

Alba Berlín hef­ur ekki átt sér­lega góðu gengi að fagna á tíma­bil­inu þar sem liðið er í 14. sæti af 17 liðum með 11 sigra í 23 leikj­um. Þó er stutt í liðin fyr­ir ofan og geta Mart­in og fé­lag­ar en kom­ist í um­spil um sæti í átta liða úr­slita­keppni um þýska meist­ara­titil­inn.

Eng­in fall­hætta er þá yf­ir­vof­andi þar sem botnlið Gött­ingen hef­ur aðeins unnið einn leik í deild­inni á tíma­bil­inu og fell­ur ein­ung­is eitt lið niður í B-deild­ina, sem ljóst má þykja að verður Gött­ingen.

• Blogga um frétt