Sigur Njarðvíkinga ekki nógu stór

Stjarn­an tók á móti Njarðvík í lokaum­ferð úr­vals­deild­ar karla í körfu­bolta í kvöld og lauk leikn­um með sigri Njarðvík­inga 110:103.

Stjörnu­menn enda því í öðru sæti deild­ar­inn­ar og Njarðvík í því þriðja en Njarðvík þurfti að vinna með 11 stig­um eða meira til þess að ná öðru sæt­inu af Stjörn­unni, enda liðin bæði með 30 stig.

Stjarn­an mæt­ir ÍR í átta liða úr­slit­um úr­slita­keppn­inn­ar og Njarðvík mæt­ir Álfta­nesi.

Njarðvík­ing­ar byrjuðu leik­inn vel og leiddu leik­inn fram­an af í fyrsta leik­hluta. Stjarn­an komst yfir þegar um 3 mín­út­ur voru eft­ir af fyrsta leik­hluta í stöðunni 19:18 með körfu frá Ægi Þór Stein­ars­syni.

Stjörnu­menn settu í kjöl­farið niður hverja körf­una á fæt­ur ann­arri og náðu að lok­um 10 stiga for­skoti í stöðunni 32:22 og var það staðan eft­ir fyrsta leik­hluta.

Stjarn­an hélt áfram að auka mun­inn í byrj­un ann­ars leik­hluta og náðu 15 stiga for­skoti í stöðunni 37:22. Þá kom frá­bær kafli hjá Njarðvík­ing­um þar sem þeir skoruðu 12 stig í röð og minnkuðu mun­inn í 3 stig í stöðunni 40:37 fyr­ir Stjörn­una.

Njarðvík­ing­um tókst að minnka mun­inn niður í tvö stig í stöðunni 43:41 með þriggja stiga körfu frá fyr­irliðanum Mario Mata­sovic. Tals­verður hiti var í leik­mönn­um í öðrum leik­hluta og virt­ust dóm­ar­ar leiks­ins, þeir Jakob Árni Ísleifs­son, Guðmund­ur Ragn­ar Björns­son og Bjarni Rún­ar Lárus­son, ráða illa við verk­efnið sitt í kvöld. Þurftu þeir ít­rekað að leita á skjá­inn.

Stjörnu­menn náðu að auka for­skotið í 9 stig í stöðunni 54:45 fyr­ir lok ann­ars leik­hluta og var það staða leiks­ins í hálfleik.

Hilm­ar Smári Henn­ings­son skoraði 18 stig og tók 5 frá­köst í fyrri hálfleik fyr­ir Stjörn­una. Dwayne Lautier-Og­un­leye skoraði 14 stig fyr­ir Njarðvík og tók Mario Mata­sovic 6 frá­köst í fyrri hálfleik.

Stjarn­an byrjaði seinni hálfleik á að kom­ast 11 stig­um yfir í stöðunni 56:45. Eft­ir það fóru Njarðvík­ing­ar að saxa niður for­skot Stjörn­unn­ar og náðu að lok­um að kom­ast yfir í stöðunni 63:63.

Njarðvík­ing­ar náðu síðan for­skoti í stöðunni 65:63 með körfu frá Veig­ari Páli Al­ex­and­er­syni og leiddu Njarðvík­ing­ar leik­hlut­ann allt þangað til í loka­sókn Stjörn­unn­ar þegar Ægir Þór Stein­ars­son setti gríðarlega mik­il­væga þriggja stiga körfu og jafnaði í stöðunni 78:78 og var það staðan fyr­ir fjórða leik­hluta.

Stjörnu­menn settu Shaquille Rombley inn á í fjórða leik­hluta en hann kom sér í villu­vand­ræði í upp­hafi seinni hálfleiks. Njarðvík­ing­ar byrjuðu fjórða leik­hlut­ann á því að kom­ast yfir með tveggja stiga körfu frá Dom­inykas Milka.

Njarðvík­ing­ar sóttu hart á Stjörn­una og náðu 12 stiga for­skoti í stöðunni 98:86 fyr­ir Njarðvík. Stjörnu­menn ætluðu ekki að gefa annað sætið eft­ir og minnkuðu mun­inn jafn harðan. Þurfti Njarðvík að vinna með 11 stig­um til að stela öðru sæt­inu af Stjörn­unni. Stjarn­an náði að gera áhlaup á Njarðvík­inga þegar lítið var eft­ir af leikn­um og minnkuðu mun­inn í 6 stig í stöðunni 105:99 fyr­ir Njarðvík og var 18,8 sek­únd­um eft­ir.

Enduðu leik­ar því þannig að Njarðvík vann leik­inn en ekki nægi­lega stórt til að ná öðru sæt­inu.

Hilm­ar Smári Henn­ings­son skoraði 26 stig fyr­ir Stjörn­una. Jase Febr­es tók 10 frá­köst.

Dwayne Lautier-Og­un­leye skoraði 27 stig fyr­ir Njarðvík og Mario Mata­sovic tók 8 frá­köst.

Stjarn­an - Njarðvík 103:110

Um­hyggju­höll­in, Bón­us deild karla, 27. mars 2025.

Gang­ur leiks­ins:: 6:8, 13:13, 21:20, 32:22, 37:25, 40:37, 45:43, 54:45, 56:49, 60:62, 69:74, 78:78, 80:85, 83:91, 91:99, 103:110.

Stjarn­an: Ægir Þór Stein­ars­son 26/​5 frá­köst/​7 stoðsend­ing­ar, Hilm­ar Smári Henn­ings­son 26/​5 frá­köst, Orri Gunn­ars­son 20/​6 frá­köst, Jase Febr­es 17/​10 frá­köst, Bjarni Guðmann Jón­son 9/​4 frá­köst, Kristján Fann­ar Ing­ólfs­son 5.

Frá­köst: 23 í vörn, 9 í sókn.

Njarðvík: Dwayne Lautier-Og­un­leye 27/​6 frá­köst/​5 stoðsend­ing­ar, Khalil Shabazz 22/​5 frá­köst/​6 stoðsend­ing­ar, Mario Mata­sovic 21/​8 frá­köst, Dom­inykas Milka 16/​7 frá­köst, Brynj­ar Kári Gunn­ars­son 15, Veig­ar Páll Al­ex­and­ers­son 8, Snjólf­ur Mar­el Stef­áns­son 1.

Frá­köst: 27 í vörn, 4 í sókn.

Dóm­ar­ar: Jakob Árni Ísleifs­son, Guðmund­ur Ragn­ar Björns­son, Bjarni Rún­ar Lárus­son.

Áhorf­end­ur: 350

Dwayne Lautier-Og­un­leye úr Njarðvík með bolt­ann í kvöld. mbl.is/Á​rni Sæ­berg

Lýs­ing upp­fær­ist sjálf­krafa

All­ar lýs­ing­ar í beinni

Stjarn­an	103:108	Njarðvík	Opna lýs­ingu Loka
99. mín. skor­ar
mín. 40 Leik lokið 86:83 Grindavík vinnur KR í spennandi leik. Eins og staðan er núna missa KR úrslitakeppnissætið. 40 86:83 Nimrod fær opið skot aðeins fyrir utan þriggja og klikkar. Grindavík vinnur. 40 86:83 Brotið á Mortensen, hann fer á línuna með 8.0 sek eftir. Hann setur bæði niður og KR taka leikhlé. 40 84:81 Kane klikkar, KR fara í sókn. Brotið á Nimrod. Hann fær 2 skot og setur bæði niður. 9.5 sek á leikklukku og Grindavík tekur leikhlé. 40 84:81 Pargo fer upp í skot og er blokkaður, Grindavík tekur leikhlé með 1.0 sek á skotklukku og 18.3 sek á leikklukku. 39 84:81 Veigar Áki fer á körfuna, skorar og fær villuna að auki. Hann setur vítið líka niður. 38 84:78 Pargo röltir inn í teig, skilar boltanum á Kane og hann skorar. KR tekur leikhlé. 37 82:78 Pargo fer á línuna og setur bæði niður. 37 80:78 Þorri skorar og svo neglir Pargo niður þriggja stiga körfu. 35 77:76 Kane með sendingu á Mortensen sem leggur boltan ofan í. 35 75:76 Bæði lið skora. 34 73:74 Þórir tekur sóknarfrákast og skorar. 34 73:72 Nimrod setur þrist beint út úr leikhléi. 33 73:69 Pargo skorar. KR tekur leikhlé. 33 71:69 Kane fer á körfuna og fær villu. Setur bæði niður. 32 69:69 Mortensen með annan þrist. 31 66:69 Linards með sniðskot og Grindavík með þrist. KR svara. 30 Fjórði leikhluti hafinn 63:65 KR byrjar með boltann. 30 Þriðja leikhluta lokið 63:65 KR leiða eftir þriðja leikhluta. 30 63:65 Valur Orri með þrist. 29 60:65 Þórir með körfu eftir sóknarfrákast frá Veigari. 29 60:63 Nimrod fer á línuna og setur bæði. 28 60:61 Kane með sniðskot í hraðaupplaupi. 27 58:61 Arnór setur þrist og minnkar muninn. 26 55:61 Þórir með fallegt sniðskot. 26 55:59 Þorri sækir á hringinn, skorar og fær villuna. Vítið setur hann svo niður. 25 55:56 Nimrod með frábæra árás á hringinn og skorar. 25 55:54 Grindavík breytir vörn í sókn, varinn bolti og Kristófer Breki skorar. 24 53:54 Kane með stóran þrist. 23 50:54 Linards skorar og Pargo svarar. 22 48:52 KR skora. 21 48:50 Grindavík byrja leikhlutan og skora. 21 Síðari hálfleikur hafinn 20 Hálfleikur 46:50 KR leiðir með fjórum stigum í hálfleik. 20 46:50 Pargo setur tæknivítið niður en ekki seinna. 20 45:50 Pargo fer á körfuna, skorar og fær villu. Linards fær svo tæknivillu. 19 43:50 Óli fær tvö víti, klikkar úr fyrra en setur seinna. 19 42:50 Linards með góða körfu inni í teig. 19 42:48 Þorri setur sniðskot niður. 18 42:46 Pargo með risa þrist! KR tekur leikhlé. 18 39:46 Vlatko skorar og Mortensen svarar. 17 37:44 Mortensen skorar. 16 35:44 Bæði lið skora og skora. 15 31:36 Pargo með gullfallega hreyfingu og skorar. 14 29:36 Mortensen fær villu og setur bæði vítin niður. 14 27:36 Valur Orri setur þrist, KR fara í sókn og Þórir svarar með þrist. Grindavík tekur leikhlé. 13 24:33 Jason nær frákasti, skorar og fær villuna, vítið fer einnig niður 12 24:30 Kane kemst inn í teig, skilar boltanum ofan í og fær villuna. Hann setur vítið niður. 12 21:30 Orri með annan þrist. 11 21:27 Arnór með þrist. 11 18:27 Orri nýkominn inn hjá KR og neglir niður þrist. 10 Annar leikhluti hafinn 10 Fyrsta leikhluta lokið Fyrsti leikhluti búinn, KR leiða með sex stigum. 10 18:24 Þórir setur þrist til að loka leikhlutanum. 10 18:21 Bragi fer á línuna, missir fyrra en setur seinna. 10 17:21 Þristur hjá Nimrod. 9 17:18 Þorri með sniðskot og Pargo setur svo þrist fyrir Grindavík. 8 14:16 Kane fer á línuna og setur bæði. 8 12:16 Nimrod með þrist og Grindavík svara. 7 10:13 Pargo með sniðskot og fær villuna, setur vítið niður. 7 7:13 Vlatko kemur KR fimm stigum yfir. 6 7:11 Linards sækir á hringinn og fær villu, setur bæði vítin ofan í. 6 7:9 Pargo með langan þrist. 5 4:9 Grindavík svarar. 4 2:9 Nimrod með tvist. 4 2:7 Nimrod með gegnumbrot og sniðskot. 3 2:5 Kane fær tvö víti en missir bæði, hann nær svo eigin frákasti og skilar boltanum niður. 3 0:5 Þorri með sniðskot, Grindavík hafa ekki enn fengið gott skot. 2 0:3 Vlatko byrjar leikinn með góðu þriggja stiga skoti. 1 Leikur hafinn 0:0 Grindavík vinnur uppkastið. 0 Leik lokið 86:83 Grindavík vinnur KR í spennandi leik, 86:83. 0 Í öðrum leikjum er Keflavík að vinna Þór, Stjarnan og Njarðvík í hörkuleik. Tindastóll eru 17 yfir á móti Val. 0 Byrjunarlið Grindavíkur: Jeremy Pargo, Deandre Kane, Kristófer Breki, Ólafur Ólafsson og Daniel Mortensen. 0 Byrjunarlið KR: Þorvaldur Orri, Nimrod Hilliard, Þórir Þorbjarnarson, Linards Jaunzems og Vlatko Granic. 0 Grinda­vík er í sjötta sæti með 22 stig og KR í átt­unda sæti með 20 stig. KR gull­trygg­ir sér sæti í úr­slita­keppn­inni með sigri en Grinda­vík hef­ur þegar tryggt sitt sæti. 0 Gott kvöld og verið velkomin með mbl.is í beina textalýsingu frá leik Grindavíkur og KR í lokaumferð úrvalsdeildar karla í körfubolta. Sjá meira Sjá allt Dómarar: Bjarki Þór Davíðsson, Birgir Örn Hjörvarsson og Daníel Streingrímsson Lýsandi: Ögmundur Árni Sveinsson Völlur: Smárinn

• Blogga um frétt