Þetta var engan veginn boðlegt

Stjarn­an mæt­ir ÍR í átta liða úr­slit­um Íslands­móts karla í körfu­bolta eft­ir 7 stiga tap gegn Njarðvík í kvöld. Þrátt fyr­ir tapið end­ar Stjarn­an í öðru sæti með jafn mörg stig og Njarðvík sem end­ar í því þriðja. Bald­ur Þór Ragn­ars­son þjálf­ari Stjörn­unn­ar var ómyrk­ur í máli þegar mbl.is náði af hon­um tali strax eft­ir leik.

„Nei, ég er ekki sátt­ur við niður­stöðuna. Við fáum á okk­ur 110 stig á heima­velli og ráðum ekk­ert við alla þeirra helstu hesta. Þeir skora alltof mikið hérna í kvöld. Það verður ekk­ert tekið af Njarðvík­urliðinu sem var frá­bært en þetta var ekki nógu gott hjá okk­ur.“

Stjarn­an virt­ist vera með Njarðvík­inga fram­an af leikn­um en síðan í lok þriðja leik­hluta og all­an fjórða var á bratt­ann að sækja. Hvað breytt­ist í leikn­um?

„Við náum eng­um stopp­um og þeir skora í hverri ein­ustu sókn og það bara geng­ur ekk­ert upp. Við fáum 60 stig á okk­ur í seinni hálfleik og það er ekki væn­legt til ár­ang­urs.“

Nú er úr­slita­keppn­in fram und­an. Er margt sem þarf að laga hjá þínu liði til að kom­ast langt í henni?

„Við þurf­um að halda áfram og setja allt í þetta. Von­andi fer þetta að detta okk­ar meg­in og það þarf að ger­ast bara strax í næsta leik.“

Bald­ur Þór var ekki ánægður með hversu stórt hlut­verk dóm­ar­ar leiks­ins tóku sér í leikn­um og verður und­ir­ritaður að vera sam­mála því. Bald­ur hafði þetta að segja.

„Ég reikna með að all­ir leik­ir um­ferðar­inn­ar séu bún­ir svona 20 mín­út­um áður en okk­ar leik­ur klár­ast miðað við flautukallið hérna í dag.“

Voru dóm­ar­arn­ir ekki að ráða við þenn­an leik?

„Bara langt frá því. Þetta var eng­an veg­inn boðlegt og bara svaka­lega slök frammistaða. Eng­in lína og köll úti um allt. Þetta þarf að vera betra en þetta. Síðan finna þeir að þeir eru að missa leik­inn og fara að yfir­kalla og kalla á allt. Það gerði þenn­an leik að ein­hverju leiðind­arfía­skói. Hund­leiðin­leg­ur leik­ur,“ sagði Bald­ur í sam­tali við mbl.is.

• Blogga um frétt