Njarðvík byrjar betur gegn Stjörnunni

Njarðvík tók á móti Stjörn­unni í fyrstu viður­eign liðanna í 8 liða úr­slit­um Íslands­móts kvenna í körfu­bolta og lauk leikn­um með sigri Njarðvík­ur 84:75. Njarðvík er því 1:0 yfir í ein­víg­inu en liðin mæt­ast aft­ur í Garðabæ á laug­ar­dag kl. 18:00.

Njarðvík­ur­kon­ur byrjuðu leik­inn mjög vel og byggðu fljót­lega upp for­skot. Stjörnu­kon­ur voru þó aldrei langt und­an. Eft­ir 5 mín­út­ur var staðan 16:9 fyr­ir Njarðvík.

Eins og fyrr seg­ir gáfu Stjörnu­kon­ur ekk­ert eft­ir og hleyptu Njarðvík­ing­um aldrei of langt frá sér. Þegar fyrsta leik­hluta lauk var mun­ur­inn 11 stig í stöðunni 29:18 fyr­ir Njarðvík.

Ann­ar leik­hluti var Njarðvík­ing­um afar erfiður. Stjörnu­kon­ur byrjuðu leik­hlut­ann af gríðarleg­um krafti með 12:0 kafla og komust yfir í stöðunni 30:29 fyr­ir Stjörn­una.

Njarðvík­ur­kon­ur skoruðu sín fyrstu stig í leik­hlut­an­um þegar Lára Ösp Ásgeirs­dótt­ir skoraði tveggja stiga körfu eft­ir 4 mín­út­ur og 51 sek­úndu og staðan var 31:30 fyr­ir Njarðvík. Stjörnu­kon­ur gáfu ekk­ert eft­ir og komust ít­rekað yfir í leik­hlut­an­um.

Berg­lind Katla Hlyns­dótt­ir setti þriggja stiga körfu fyr­ir Stjörn­una og í kjöl­farið kom tveggja stiga karfa frá Fann­eyju Maríu Freys­dótt­ur og Stjarn­an var kom­in 5 stig­um yfir í stöðunni 41:36.

Njarðvík­ing­ar náðu að rétta úr kútn­um áður en hálfleikn­um lauk. Þeim tókst að jafna í stöðunni 41:41 og náðu síðan að lok­um 2 stiga for­skoti áður en hálfleik­ur­inn skall á. Staðan í hálfleik var 46:44 fyr­ir Njarðvík.

Britt­any Dink­ins skoraði 16 stig í fyrri hálfleik og tók Em­ilie Sofie Hasseldal 8 frá­köst fyr­ir Njarðvík.

Diljá Ögn Lár­us­dótt­ir skoraði 18 stig fyr­ir Stjörn­una og tók Denia Dav­is - Stew­ard 6 frá­köst.

Njarðvík­ur­kon­ur byrjuðu seinni hálfleik­inn skelfi­lega illa og komust Stjörnu­kon­ur 8 stig­um yfir í stöðunni 55:47 fyr­ir Stjörn­una. Þá tók Ein­ar Árni þjálf­ari Njarðvík­ur leik­hlé.

Njarðvík­ur­kon­ur komust aft­ur í gang eft­ir þetta og náðu að saxa niður for­skot Stjörn­unn­ar og kom­ast yfir í stöðunni 57:55. Em­ilie Sofie Hesseldal og Britt­any Dink­ins leiddu sókn­ar­leik Njarðvík­inga það sem eft­ir lifði þriðja leik­hluta og þegar hon­um lauk voru Njarðvík­ur­kon­ur með 7 stiga for­skot í stöðunni 66:59.

Paul­ina Hersler byrjaði fjórða leik­hluta á því að koma Njarðvík­ing­um 9 stig­um yfir í stöðunni 69:58. Stjörnu­kon­ur minnkuðu mun­inn í 6 stig með þriggja stiga körfu frá Önu Clöru Paz.

Njarðvík­ur­kon­ur sýndu styrk sinn í fram­hald­inu og byggðu upp gott for­skot. Þegar 5 mín­út­ur voru eft­ir af leikn­um voru Njarðvík­ing­ar 15 stig­um yfir í stöðunni 79:64.

Stjörnu­kon­ur reyndu hvað þær gátu til að kom­ast aft­ur inn í leik­inn en styrk­ur Njarðvík­ur­kvenna og heima­völl­ur­inn kom í veg fyr­ir það. Spyr und­ir­ritaður sig að því hvort það dugi Njarðvík­ing­um að spila ein­ung­is tvo ágæta leik­hluta til að vinna leiki?

Britt­any Dink­ins skoraði 23 stig og tók Paul­ina Hersler 11 frá­köst fyr­ir Njarðvík.

Diljá Ögn Lár­us­dótt­ir skoraði 24 stig fyr­ir Stjörn­una og tók Denia Dav­is-Stew­ard 16 frá­köst.

Lýs­ing upp­fær­ist sjálf­krafa

All­ar lýs­ing­ar í beinni

Njarðvík	84:75	Stjarn­an	Opna lýs­ingu Loka
99. mín. skor­ar
mín. 40 Leik lokið 84:75. Njarðvík vinnu 9 stiga sigur og er 1:0 yfir í einvíginu. Ekki sannfærandi hjá bikarmeisturunum en sigur engu að síður. 40 84:73. Paulina setur niður annað af tveimur vítaskotum sínum en Stjarnan svarar með þriggja stiga körfu frá Berglindi Kötlu. 39 83:70. Denia Davis - Stewart fer af velli með 5 villur. 39 83:70. Diljá setur niður tvist. 39 83:68. Paulina setur niður annað vítið sitt. 38 82:68. Brittany setur niður eitt vítaskot. 37 81:68. Ana Clara með tvist fyrir Stjörnuna. 13 stiga munur. 36 81:66. Er Paulina að reka smiðshöggið á þennan leik fyrir Njarðvík? 35 79:64. Hulda María setur tvö stig fyrir Njarðvík og þær eru að klára þennan leik. 34 77:64. Heiðrún reynir þrist fyrir Stjörnuna en hittir ekki. 34 77:64. Eygló Kristín kemur núna með þristinn sinn! 13 stiga munur sem er líka akkúrat númerið á treyjunni hennar Eyglóar! 33 74:64. Eygló hittir núna! Tvistur og Njarðvík er aftur 10 yfir. Diljá setti tvistinn fyrir Stjörnuna. 33 72:62. Eygló reynir þrist en hittir ekki. 32 72:62. Tvö víti frá Paulinu og svo tvistur frá Brittany og Njarðvík leiðir með 10 stigum. 31 68:62. Þristur frá Stjörnunni og það er bara 6 stiga munur. 31 68:59. Paulina kemur Njarðvík 9 stigum yfir. 31 Fjórði leikhluti hafinn 66:59. Njarðvík er með boltann. 30 Þriðja leikhluta lokið 66:59. 7 stiga munur fyrir lokaleikhlutann. 30 66:59. Emilie Sofie er að setja tvist. Hún er að hitta vel þessa stundina. 29 64:57. Emilie setur vítið niður. 29 63:57. Emilie aftur með tvist og fær núna víti að auki. 29 61:57. Emilie Sofie með tvist. 29 59:57. Tvistar frá báðum liðum. 28 57:55. Lára Ösp kemur Njarðvík yfir. 28 55:55. Brittany jafnar leikinn. Ef hún kemst í gang aftur þá eru möguleikar Njarðvíkur miklir. 27 53:55. Brittany minnkar muninn í 2 stig. 27 51:55. Það er í raun magnað að fylgjast með Stjörnuliðinu. Það sést hversu mikla trú þær hafa á að þær geti unnið Njarðvík hér í kvöld og um leið og munurinn fer í 4 stig þá er tekið leikhlé itl að stöðva blæðinguna. Stjarnan er sigurstranglegra eins og staðan er núna. Miklu ákveðnari og ákafari í að finna opnanir. 27 51:55. Hulda María á vítalínunni og setur bæði niður. Fyrstu stig leiksins í langan tíma. 24 49:55. Hulda María lagar stöðuna örlítið með tveggja stiga körfu. 24 47:55. Stjarnan með sitt mesta forskot hingað til í leiknum. 8 stigum yfir og Einar Árni neyðist til að taka leikhlé. Þetta lítur í raun hræðilega út fyrir Njarðvík þessa stundina. Annar leikhluti var mjög vondur og sá þriðji virðist ætla að vera verri. 23 47:53. Hvað er að gerast? Stjarnan með þrist og Njarðvíkurkonur geta ekki hitt í körfuna til að bjarga lífi sínu! 23 47:50. Paulina með annað vítið niður. 22 46:50. Glæsilegur 6:0 kafli fyrir Stjörnuna. 21 46:48. Stjarnan er yfir! 21 46:46. Njarðvík klikkar á sinni fyrstu sókn og Denia jafnar fyrir Stjörnuna. 21 Síðari hálfleikur hafinn 46:44. Njarðvík byrjar seinni hálfleikinn. 20 Hálfleikur 46:44. Njarðvíkurkonur stálheppnar að vera yfir í hálfleik. 20 46:44. Hulda María fer á vítalínuna og setur annað vítaskotið niður. 20 45:44. Emilie setur tvö víti niður. 20 43:44. Diljá með þrist og Stjarnan er yfir. 20 43:41. Paulina kemur Njarðvík yfir. 19 41:41. Njarðvíkurkonur jafna með tvisti og svo þristi frá Kristu Gló. 19 36:41. Stjarnan leikur á alls oddi og er að byggja upp forskot hér gegn bikarmeisturunum á þeirra eigin heimavelli. 18 36:39. Berglind Katla setur þrist og Stjarnan er með þriggja stiga forystu! 18 36:36. Stjarnan jafnar leikinn! 17 36:34. Stjarnan komst yfir en Brittany setti þrist og Njarðvík er tveimur yfir . 17 33:32. Brittany kemur Njarðvík yfir. 16 31:32. Stjarnan aftur yfir. 15 31:30. Lára setur fyrstu stig Njarðvíkur niður í öðrum leikhluta. 14 29:30. Stjörnukonur eru yfir í fyrsta sinn í leiknum. ÞVÍLÍKUR kafli hjá þeim. Ótrúlega vel gert. 12:0 kafli fyrir gestina. 13 29:28. Stjarnan er alveg að ná að jafna leikinn. 13 29:24. Aðeins 5 stiga munur. 3 mínútur liðnar af öðrum leikhluta og Njarðvíkurkonur eru í einhverri kreppu. Ná ekki að setja boltann niður. 12 29:22. Á meðan minnkar Stjarnan muninn hægt og rólega. 12 29:20. Njarðvíkurkonur ekki enn búnar að skora í öðrum leikhluta. Búnar að klikka á fjórum sóknum. 11 29:20. Ana minnkar muninn. 11 Annar leikhluti hafinn 29:18. Stjarnan byrjar með boltann. 11 Fyrsta leikhluta lokið 29:18. 11 stiga munur Njarðvíkingum í vil eftir fyrsta leikhluta leiksins. 10 29:18. Brittany setur tvist á síðustu sekúndunum. 10 27:18. Stjarnan nær þessu undir 10 stigin. 10 27:16. Njarðvíkingar setja tvist. 9 25:16. Denia setti tvist fyrir Stjörnuna. 9 25:14. Emilie með frábæra þriggja stiga körfu. 11 stiga munur. 8 22:14. Brittany stelur boltanum á vallarhelmingi Stjörnunar og setur annan tvist. 7 20:14. Brittany með tvö stig. 7 18:14. Emilie Sofie með tvist. 7 16:14. Diljá með þrjú stig. Tvö úr leik og ett víti. 6 16:11. Diljá Ögn fer á vítalínuna og setur bæði skotin niður. 5 16:9. Paulina á vítalínuna og setur annað skotið niður. 5 15:9. Brittany Dinkins með þrist fyrir Njarðvík. 4 12:9. Denia minnkar muninn. 4 12:7. Paulina með tvist. 3 10:7. Hulda María setur annan þrist. 3 7:7. Denia jafnar leikinn. 2 7:5. Mik9ill hraði. Fanney með þrist fyrir Stjörnuna. Njarðvík tapar boltanum. 2 7:2. Hulda María setur frábæran þrist. 1 4:2. Paulina Hersler setur tvist. 1 2:2. Diljá Ögn gerir slíkt hið sama. Veður undir körfuna og setur boltan ofan í. 1 2:0. Brittany byrjar með látum. 1 Leikur hafinn 0:0. Starnan vinnur uppkastið en missa boltann strax útaf. En þar sem fyrsta sóknin er Njarðvíkinga dæmist það svo að þær hafi unnið uppkastið. 0 Nú er ekki eftir neinu að bíða. Fyrsti leikurinn í þessu einvígi er að hefjast. 0 Umgjörðin fyrir þennan leik er frábær. Grillaðir borgarar, leikir fyrir krakka og allskonar skemmtilegt. Hrós til Njarðvíkur. 0 5 mínútur í að leikurinn hefjist. Vallarþulur er að kynna gestina til leiks og fljótlega verða ljósin slökkt og heimaliðið kynnt. 0 Lið Garðbæinga: Sigrún Sól Brjánsdóttir, Fanney María Freysdóttir, Bergdís Lilja Þorsteinsdóttir, Diljá Ögn Lárusdóttir, Berglind Katla Hlynsdóttir, Heiðrún Björg Hlynsdóttir, Bára Björk Óladóttir, Ana Clara Paz, Elísabet Ólafsdóttir, Denia Davis - Stewart. 0 Lið Njarðvíkur í kvöld: Katrín Ósk Jóhannsdóttir, Emilie Sofie Hesseldal, Krista Gló Magnúsdóttir, Paulina Hersler, Veiga Dís Halldórsdóttir, Kristín Björk Guðjónsdóttir, Hulda María Agnarsdóttir, Brittany Dinkins, Eygljó Kristín Óskarsdóttir, Sara Björk Logadóttir, Anna Lilja Ásgeirsdóttir, Lára Ösp Ásgeirsdóttir. 0 Liðin áttust við 16 nóvember og vann Njarðvík þann leik í Garðabæ 89:77. Liðin áttust síðan aftur við 22. janúar og unnu Njarðvíkingar þann leik líka 101:93. 0 Það eru um 40 mínútur í leik og liðin byrjuð upphitun. 0 Gott kvöld og verið velkomin með mbl.is í beina textalýsingu frá fyrsta leik Njarðvíkur og Stjörnunnar í átta liða úrslitum Íslandsmóts kvenna í körfubolta. Sjá meira Sjá allt Dómarar: Jóhannes Páll Friðriksson, Jón Þór Eyþórsson og Daníel Steingrímsson Lýsandi: Jón Kristinn Jónsson Völlur: IceMar-höllin

• Blogga um frétt