Þór minnkaði muninn

Þórs­kon­ur unnu Val 72:60 í 3. leik liðanna um sæti í undanúr­slit­um Íslands­móts­ins í körfu­bolta.

Val­ur hafði unnið tvo fyrstu leik­ina og gat kom­ist áfram með sigri í kvöld. Nú er staðan í ein­víg­inu 2:1 fyr­ir Val og næst leika liðin á Hlíðar­enda á pálma­sunnu­dag.

Þórsar­ar, sem voru lengi vel að keppa um deild­ar­meist­ara­titil­inn, gáfu eft­ir á loka­sprett­in­um í deild­inni og höfnuðu að lok­um í 4. sæti. Norðan­kon­ur hafa átt erfitt í síðustu leikj­um eft­ir að tveir af sex sterk­ustu leik­mönn­um þeirra helt­ust úr lest­inni. Liðið var ógn­ar­sterkt á tíma­bil­inu og vann m.a. tíu leiki í röð þegar best gekk. Síðan þá hef­ur liðið aðeins unnið einn leik af átta í deild­ar­keppn­inni.

Esther Fokke var aft­ur kom­in í leik­manna­hóp Þórs í kvöld. Hvort það hafi gert gæfumun­inn fyr­ir heima­kon­ur skal ósagt látið en Þórs­kon­ur voru frá­bær­ar í kvöld og þær voru ekk­ert að fara í sum­ar­frí.

Eft­ir jafn­ar upp­haf­smín­út­ur má segja að Þór hafi smám sam­an sigið fram úr. Þór var mest 15 stig­um yfir í fyrri hálfleik þar sem hver leikmaður­inn á fæt­ur öðrum lagði sitt á voga­skál­arn­ar. Varn­ir beggja liða voru nokkuð sterk­ar og dóm­ar­ar leyfðu harðan leik. Það var helst sókn­ar­leik­ur Vals ven kom þeim í kland­ur en lyk­il­leik­menn í Valsliðinu voru nokkr­ir vel frá sínu besta. Alyssa Cer­ino komst ekki á blað í fyrri hálfleik og Jiselle Thom­as hafði allt á horn­um sér.

Staðan í hálfleik var 39:25 fyr­ir vel studd­ar Þórs­kon­ur og öll stemn­ing þeirra meg­in. Valskon­ur náðu vopn­um sín­um í þriðja leik­hluta og náðu að hrella heima­kon­ur. Heima­kon­ur lentu strax í mikl­um villu­vand­ræðum þar sem Maddie Sutt­on og Am­andie Toi fengu fjórðu vill­ur sín­ar. Esther Fokke bætt­ist svo í þeirra hóp á leik­hluta­skipt­un­um. Þór hékk á for­skoti eins og hund­ur á roði og þegar loka­leik­hlut­inn hóst var staðan 53:45 fyr­ir Þór.

Valskon­ur voru áfram sterk­ari og önduðu ofan í háls­mál Þórs­kvenna hvað eft­ir annað. Spennu­stigið var hátt og ákv­arðana­taka leik­manna stund­um slæm. Þór stóð af sér mesta áhlaupið og náði að breikka bilið á ný. Staðan var 66:56 þegar fjór­ar mín­út­ur lifðu. Val­ur minnkaði strax mun­inn en heima­kon­ur stóðust áhlaup gest­anna og lönduðu dí­sæt­um iðnaðarsigri.

Liðin mæt­ast í fjórða leikn­um á Hlíðar­enda kl. 19 á sunnu­dag.

Þór Ak. - Val­ur 72:60

Höll­in Ak, Bón­us deild kvenna, 09. apríl 2025.

Gang­ur leiks­ins:: 5:2, 8:10, 16:13, 21:13, 25:15, 27:20, 37:22, 39:25, 42:31, 46:36, 51:41, 53:45, 56:53, 64:56, 66:60, 72:60.

Þór Ak.: Emma Karólína Snæ­bjarn­ar­dótt­ir 18/​6 frá­köst, Madi­son Anne Sutt­on 15/​15 frá­köst, Am­andine Just­ine Toi 12/​9 stoðsend­ing­ar, Eva Wium Elías­dótt­ir 11/​4 frá­köst, Esther Mar­jolein Fokke 8/​4 frá­köst, Hrefna Ottós­dótt­ir 3, Katrín Eva Óla­dótt­ir 3, Hanna Gróa Hall­dórs­dótt­ir 2.

Frá­köst: 30 í vörn, 7 í sókn.

Val­ur: Dag­björt Dögg Karls­dótt­ir 18/​4 frá­köst, Ásta Júlía Gríms­dótt­ir 15/​8 frá­köst, Alyssa Marie Cer­ino 10/​6 frá­köst, Jiselle El­iza­beth Valent­ine Thom­as 7/​7 stoðsend­ing­ar, Guðbjörg Sverr­is­dótt­ir 4, Sara Líf Boama 4/​9 frá­köst, Anna Maria Kolyandrova 2/​4 frá­köst.

Frá­köst: 24 í vörn, 11 í sókn.

Dóm­ar­ar: Krist­inn Óskars­son, Stefán Krist­ins­son, Guðmund­ur Ragn­ar Björns­son.

Áhorf­end­ur: 170

Þór Ak.	72:60	Val­ur	Opna lýs­ingu Loka
99. mín. skor­ar
mín. 40 Leik lokið Þór vinnur 72:60 eftir æsispennandi lokaleikhluta. Nú er staðan í þessu einvígi 2:1 fyrir Val. 38 69:60 Þetta var rosaleg karfa. Hrefna Ottósdóttir lætur bara vaða eftir fjögur Valsstig í röð. Þrjú ísköld stig fyrir Þór. 37 66:58 Flautukarfa hjá Ástu Júlíu eftir erfiða sókn. 36 64:56 Þórsarar verja tvö skot í sömu sókninni og Maddie skorar svo undrakörfu hinum megin. Valur tapar svo boltanum. Er vindáttin að snúast Þór í vil? 35 64:56 Amandine spólar sig í gegn skorar og fær víti að auki. 35 59:56 Sara Líf setur stóran þrist, spjaldið og ofan í. 33 56:53 Stór dómur. Eva og Alyssa kljást og Alyssa er að lokum dæmd brotleg. 32 56:53 Spennan í leiknum er svakaleg. Jiselle var að setja þrist og Þór fær dæmdan á sig ruðning. 31 53:48 Guðbjörg byrjar með því að skora þrist og munurinn er nú aðeins fimm stig. 31 Fjórði leikhluti hafinn 30 Þriðja leikhluta lokið Staðan er 53:45 fyrir Þór. Valur átti þrjú skot í lokasókn sinni. Þrír helstu hestar Þórs eru nú á fjórum villum. Það getur enn allt gerst í þessum leik. 28 51:41 Esther skorar körfu en fær dæmdan á sig ruðning. Stór dómur og líklega rangur. 27 46:39 Þór tekur leikhlé eftir hörmungarkafla þar sem skot eru léleg og boltinn háll sem áll. 26 46:37 Valur er að naga þetta niður hægt og bítandi. 25 44:36 Maddie fær fjórðu villuna sína. Þetta gæti breytt öllu. Alyssa skorar svo aftur. Verða hér vatnaskil í leiknum? 24 42:33 Sóknarleikur Þórs er í ruglinu þessa stundina. Valskonur eru að herða vörnina og Alyssa skorar loksins fyrir Val. 22 42:29 Ásta Júlía ver skot frá Emmu og fær svo tvö víti hinum megin. Þau fara bæði niður. 21 42:25 Þórsarar hamra járnið á meðan það er heitt og Eva setur þrist. 21 Síðari hálfleikur hafinn 20 Hálfleikur Staðan er 39:25 fyrir Þór. Sóknarleikur Vals er bara í molum og lykilmenn skugginn af sjálfum sér. Aðeins Dagjört og Ásta Júlía eru að spila vel. Barátta Þórskvenna er aðdáunarverð og þær eru yfir á öllum sviðum leiksins. 20 39:25 Katrín kemur ísköld inn af bekknum hjá Þór og hirðir strax tvö sóknarfráköst, fær tvö víti og setur þau bæði niður. 19 37:24 Valskonur eru komnar í bónus og Ásta Júlía er reglulega á vítalínunni. 18 37:22 Emma Karólína fer hamförum í Þórsliðinu. Hún setur körfur í öllum regnbogans litum og munurinn er kominn í 15 stig. 16 30:20 Maddie skorar af harðfylgi. Hún fagnar vel en fær tæknivillu. Það er hennar þriðja villa og hún er komin í mikil vandræði. 15 27:20 Dagbjört Dögg er að draga Valsvagninn. Hún setur þriðja þristinn sinn og minnkar loks muninn. 14 27:17 Það er allt að hrynja hjá Val. Valskonur eru mjög pirraðar og fá ekkert frá dómurunum. Tæknivilla er að lokum dæmd á Jiselle. 14 27:17 Valur tekur leikhlé. Sóknarleikur liðsins er í tómu tjóni á meðan vörnin stendur ágætlega. 12 23:15 Baráttan er svakaleg í leiknum. 11 Annar leikhluti hafinn 10 Fyrsta leikhluta lokið Staðan er 21:13 fyrir Þór. Heimakonur hafa hitt vel úr þriggja stiga skotum og varist vel. Valskonur hafa á móti ekki spilað nógu vel og hafa tapað allt of mörgum boltum. Alyssa og Sara Líf eru ekki komnar á blað. 10 21:13 Þór er á siglingu. 9 16:13 Esther kemst alein upp að körfu Vals en hún hittir ekki. 8 14:13 Emma og Eva skora þrista og koma Þór yfir. 7 11:13 Esther er komin inn á hjá Þór og virðist bara heil heilsu. 5 8:10 Dagbjört er nýbúin að skora tvær þriggja stiga körfur fyrir Val. Þór tekur leikhlé. 4 5:4 Hraðinn í leiknum er svakalegur og það er strax komin töluverð harka í hann. 2 5:0 Valskonur hafa enn ekki skorað og Þór er að byrja mjög kröftuglega. 1 Leikur hafinn Valur fer í sókn. 0 0 0 Esther Fokke er í leikmannahópi Þórs í dag. 0 Þór hafnaði í 4. sæti í deildinni en Valur í 5. sæti. 0 Valur er með 2:0 forystu í einvíginu og tryggir sér því sæti í undanúrslitum með sigri í kvöld. 0 Gott kvöld og verið velkomin með mbl.is í beina textalýsingu frá þriðja leik Þórs frá Akureyri og Vals í átta liða úrslitum Íslandsmóts kvenna í körfubolta. Sjá meira Sjá allt Dómarar: Kristinn Óskarsson, Stefán Kristinsson og Guðmundur Ragnar Björnsson Lýsandi: Einar Sigtryggsson Völlur: Höllin, Akureyri

• Blogga um frétt