Fimm bardagamenn frá Mjölni keppa í blönduðum bardagalistum á Golden Ticket 20 bardagakvöldinu í Wolverhampton á Englandi næstkomandi laugardag, 3. september. Allir keppa þeir í áhugamannaflokki.
Keppendurnir fimm eru þeir Venet Banushi, Aron Franz Bergmann Kristjánsson, Viktor Gunnarsson, Julius Bernsdorf og Björgvin Snær Magnússon
Venet Banushi mætir Wes Tully í léttivigt. Þetta verður í fjórða sinn sem Venet keppir í blönduðum bardagalistum en allir hans bardagar hafa verið á Golden Ticket-keppnum og allir unnist. Þetta verður hins vegar áttundi bardagi Tully, sem er með fimm sigra á ferlinum.
Aron Franz mætir Scott Wells í fjaðurvigt. Þetta verður fimmti bardagi Arons en sjöundi bardagi Wells.
Viktor Gunnarsson mætir Michael Jones í bantamvigt. Þetta verður þriðji bardagi Viktors á ferlinum en sá fjórði hjá Jones.
Julius Bernsdorf mætir Tyler Adams í léttþungavigt. Þetta verður annar bardagi Juliusar en sá sjötti hjá Adams.
Björgvin Snær mætir Kenny Le í léttivigt en um er að ræða frumraun Björgvins Snæs í blönduðum bardagalistum. Þetta verður hins vegar þriðji bardagi Le, sem hefur unnið báða sína bardaga hingað til.
Hægt er að kaupa beint streymi á keppnina á Live MMA.