Hrafnhildur náði 6. sæti

Hrafn­hild­ur Lúth­ers­dótt­ir synti í úr­slit­um 100 metra bring­u­sunds á Ólymp­íu­leik­un­um í Ríó í nótt. Hún hafnaði í 6. sæti.

Hrafn­hild­ur átti sjö­unda besta tím­ann í undanúr­slit­un­um síðustu nótt, en hún synti þá á 1:06,71 mín­útu. Íslands­met Hrafn­hild­ar í grein­inni er 1:06,45.

Í nótt synti hún á 1:07,18 mín­útu og varð eins og fyrr seg­ir sjötta. Katie Meili frá Banda­ríkj­un­um synti við hlið Hrafn­hild­ar og varð í 3. sæti á 1:05,69. Landa henn­ar, Lilly King, varð ólymp­íu­meist­ari á 1:04,93 mín­útu sem er nýtt ólymp­íu­met. Ju­lia Efimova frá Rússlandi fékk silf­ur en hún synti á 1:05,50.

Fylgst var með gangi mála hér á mbl.is:

02.05 - Þá segj­um við þetta gott í þess­ari lýs­ingu. Ég ætla að finna Hrafn­hildi og viðtal við hana birt­ist von­andi hér á vefn­um inn­an skamms. Næst­besti ár­ang­ur Íslend­ings í sundi á Ólymp­íu­leik­um er sem sagt hér með 6. sæti.

02.01 - Hrafn­hild­ur hafn­ar í 6. sæti! Hún synti á 1:07,18 en Lilly King vann sundið á nýju ólymp­íu­meti, eða 1:04,93 mín­útu. Efimova varð önn­ur á 1:05,50.

02.00 - Þær eru komn­ar af stað!

01.59 - Áhorf­end­ur baula hressi­lega þegar Ju­lia Efimova er kynnt. Það yrði nú eitt­hvað ef hún, með sína lyfja­sögu, yrði Ólymp­íu­meist­ari hér í kvöld.

01.57 - Hrafn­hild­ur er kom­in inn að bakk­an­um og far­in að gera sig end­an­lega klára. Þul­ur­inn verður alltaf betri og betri í að bera fram nafnið henn­ar.

01.56 - Hrafn­hild­ur synd­ir á 1. braut við hlið hinn­ar banda­rísku Katie Meili.

01.55 - Sun Yang geng­ur enn hérna um og leyf­ir ljós­mynd­ur­um að mynda sig með gull­verðlaun­in. Jæja, nú er hann loks­ins að ganga út og þá för­um við að sjá Hrafn­hildi og hina kepp­end­urna í 100 metra bring­u­sund­inu!

01.49 - Þá er „lyfja­s­vindlar­inn“ Sun Yang bú­inn að fá gullið sitt og við hlust­um á kín­verska þjóðsöng­inn.

01.47 - Við þurf­um aðeins að bíða á meðan að strák­arn­ir í 200 metra skriðsund­inu fá verðlauna­pen­ing­ana sína um háls­inn.

01.43 - For­eldr­ar Hrafn­hild­ar eru að sjálf­sögðu í stúk­unni eins og í gær­kvöld, og ég veit af fleiri Íslend­ing­um sem fylgj­ast hér spennt­ir með gangi mála í höll­inni.

01.41 - Ryan Murp­hy frá Banda­ríkj­un­um var að vinna 100 metra baksund karla eft­ir hníf­jafna keppni, á 51,97 sek­únd­um sem er aðeins 3/​100 úr sek­úndu frá heims­met­inu og jafn­framt ólymp­íu­met. Jæja, þá er Hrafn­hild­ur næst!

01.32 - Járn­frú­in frá Ung­verjalandi bæt­ir við gulli! Kat­inka Hosszú var að vinna 100 metra baksundið á 58,45 sek­únd­um, 30/​100 úr sek­úndu á und­an Kat­hleen Baker frá Banda­ríkj­un­um. Mie Niel­sen, sem Ey­leif­ur Jó­hann­es­son þjálf­ar, varð í 5. sæti. Hosszú var aðeins á eft­ir Baker en fór frá­bær­lega í gegn­um snún­ing­inn eft­ir 50 metra og komst fram úr. Nú er rúmt kort­er eða svo í að Hrafn­hild­ur syndi.

01.30 - Gríðarleg stemn­ing hérna í höll­inni þegar úr­slit­in réðust í 200 metra skriðsundi karla. Chad le Clos fór fá­rán­lega hratt af stað og var lengi með for­yst­una en Sun Yang frá Kína tók hann í lok­in og varð ólymp­íu­meist­ari á 1:44,65 mín­útu, 55/​100 úr sek­úndu á und­an þeim suður-afr­íska.

01.20 - Síðustu tólf mánuðir á ferli Hrafn­hild­ar hafa verið æv­in­týri lík­ast­ir. Þetta byrjaði allt sam­an á því að hún náði 6. sæti í 100 m bring­u­sundi og 7. sæti í 50 m bring­u­sundi á heims­meist­ara­mót­inu í 50 metra laug fyr­ir ári síðan. Það var besti ár­ang­ur ís­lenskr­ar sund­konu frá upp­hafi. Á EM í 50 metra laug í maí fékk hún svo tvenn silf­ur­verðlaun auk bronsverðlauna í 200 metra bring­u­sund­inu. Það eru einu verðlaun ís­lenskr­ar sund­konu á stór­móti í 50 metra laug, en Eygló Ósk Gúst­afs­dótt­ir fékk tvenn bronsverðlaun á EM í 25 metra laug í des­em­ber. Nú er Hrafn­hild­ur svo mætt í úr­slit á Ólymp­íu­leik­um.

01.10 - Dag­skrá­in er haf­in hér á þessu úr­slita­kvöldi og bekk­ur­inn orðinn þétt­skipaður, jafnt hér í fjöl­miðlastúk­unni sem og ann­ars staðar. Undanúr­slit í 200 m skriðsundi kvenna eru kom­in í gang. Því næst eru úr­slit í 200 m skriðsundi karla, 100 m baksundi kvenna (Eygló Ósk Gúst­afs­dótt­ir komst í undanúr­slit í þeirri grein) og 100 m baksundi karla, áður en Hrafn­hild­ur og keppi­naut­ar henn­ar taka við.

01.00 - King og Efimova voru þær einu sem syntu und­ir 1:06 í undanúr­slit­un­um. Ruta Meilutyte frá Lit­há­en, hinn 19 ára ríkj­andi Ólymp­íu­meist­ari og heims­met­hafi (1:04,35), er hins veg­ar til alls vís. Jinglin Shi frá Kína átti þó þriðja besta tím­ann í undanúr­slit­um (1:06,31). Katie Meili frá Banda­ríkj­un­um, Alia Atkin­son frá Jamaíku og Rachel Nicol frá Kan­ada eru líka í úr­slit­un­um.

01.00 - Við skul­um aðeins skoða sam­keppn­ina sem Hrafn­hild­ur fær: Lilly King frá Banda­ríkj­un­um átti besta tím­ann í undanúr­slit­um (1:05,70) en Ju­lia Efimova frá Rússlandi var nán­ast jöfn henni. Efimova varð heims­meist­ari í fyrra, nokkr­um mánuðum eft­ir að hafa setið af sér bann vegna stera­notk­un­ar, og er ekki vin­sæl hérna í höll­inni.

00.50 – Örn Arn­ar­son er eini Íslend­ing­ur­inn sem synt hef­ur úr­slita­sund á Ólymp­íu­leik­um. Það gerði hann í Syd­ney árið 2000, í 200 metra baksundi, og var afar ná­lægt því að vinna til verðlauna en hann endaði í 4. sæti.

00.50 – Gott kvöld kæru les­end­ur og verið vel­komn­ir í beina texta­lýs­ingu úr ólymp­íu­sund­höll­inni í Ríó, þar sem Hrafn­hild­ur Lúth­ers­dótt­ir kepp­ir í úr­slit­um í sundi, fyrst ís­lenskra kvenna. Hrafn­hild­ur hef­ur þegar náð stór­um áfanga í íþrótta­sögu Íslend­inga, og nú er að sjá hvert end­an­legt sæti henn­ar verður. Eins og Hrafn­hild­ur hef­ur margoft sagt sjálf, þá get­ur allt gerst ef maður fær braut í úr­slit­um. Ég minni fólk á að ýta á F5 til að end­ur­hlaða síðuna, og sjá nýj­ustu færslu hverju sinni.

• Blogga um frétt