Framkvæmdastjóri kanadíska ólympíusambandsins segir að háttalag þjálfarateymis kvennaliðs Kanada í knattspyrnu geti varpað skugga á sigur liðsins á Ólympíuleikunum í Tókýó árið 2021.

Kanadíska knattspyrnusambandið sendi þjálfara liðsins, Bev Priestman, heim frá Ólympíuleikunum í París eftir að upp komst um njósnir þjálfarateymis hennar með drónum um fyrstu mótherjana á leikunum, Nýsjálendinga.

Frétt af mbl.is

Send heim fyrir njósnir

Sambandið taldi allar líkur á að hún hefði verið með í ráðum, eða í það minnsta vitað af háttalagi samstarfsfólks síns.

Þá staðfesti framkvæmstjóri knattspyrnusambands Kanada, Kevin Blume, að hann hefði fengið upplýsingar um drónanotkun karlalandsliðs þjóðarinnar í kringum leiki liðsins í Ameríkubikarnum í sumar, þar sem það komst í undanúrslit.

„Allt bendir til þess að þessar upplýsingar geti varpað stórum skugga á gullverðlaunin okkar frá því í Tókýó. Mér líður illa við þá tilhugsun," sagði David  Shoemaker, framkvæmdastjóri ólympíusambands Kanada.

Lið Kanada, undir stjórn aðstoðarþjálfarans, vann leikinn gegn Nýja-Sjálandi, 2:1, þar sem Eyjakonan Cloé Eyja Lacasse skoraði fyrra mark kanadíska liðsins.

Tengdar fréttir

Ólympíuleikarnir í París

Móðir mín var á spítala allan tímann

• Þurfti að sofa á gólfinu í París
• Fyrsti hlutlausi ólympíumeistarinn
• Þjóðverjar skelltu Frökkum
• Egyptar áfram eftir sigur á Noregi

» Fleiri tengdar fréttir

• Blogga um frétt