Sundkappinn Adam Peaty hefur greinst með Covid-19 degi eftir að hann vann til silfurverðlauna í 100 metra bringusundi á Ólympíuleikunum í París í gær. 

Ítalinn Nicolo Martinenghi vann gull en Peaty deildi silfurverðlaununum með Bandaríkjamanninum Nic Fink. Anton Sveinn McKee tók þá einnig þátt í 100 metra bringusundinu og hafnaði í 25. sæti. 

Eftir sundið viðurkenndi Peaty að hann hafi verið örlítið slappur. Forráðamenn breska ólympíuliðsins sögðu í tilkynningu í dag að ástand Peaty hafi versnað og að hann væri með Covid-19 veiruna. 

Það eru engar strangar reglur varðandi sjúkdóminn á þessum Ólympíuleikum, ólíkt þeim sem fóru fram í Tókyó fyrir þremur árum.

Peaty er skráður í boðssundssveit Bretlands sem keppir á föstudaginn og kom jafnframt fram í tilkynningunni að ástand hans verði metið frá degi til dags. 

Tengdar fréttir

Ólympíuleikarnir í París

Setti Íslandsmet á Paralympics og undirbýr nú stórtónleika

• Stjarnan ólétt og Þórir vissi ekki neitt
• Missti af jarðarför föður síns
• Vann ólympíugullið ólétt
• Sænsk vonarstjarna í þriggja mánaða bann

» Fleiri tengdar fréttir

• Blogga um frétt