Bretinn Alex Yee er Ólympíumeistari í þríþraut eftir frábæran lokasprett í hörkukeppni í karlaflokki í dag.
Yee kom í mark á 1:43,33 aðeins sex sekúndum á undan Hayden Wilde frá Nýja-Sjálandi. Franski Léo Bergere fékk bronsverðlaun en hann kom í mark tíu sekúndum á eftir Yee. Það munaði aðeins 25 sekúndum á fyrsta og sjötta sæti í karlaflokki.
Keppni í kvennaflokki fór fram fyrr í dag en þar vann heimakonan Cassandre Beaugrand en Julie Derron frá Sviss kom einnig í mark sex sekúndum á eftir henni.