„Ég er ögn stressaður en svona er þetta í íþróttum. Þú verður að takast á við stressið,“ sagði Grikkinn Nikolaos Mavrommatis í samtali við mbl.is. Mavrommatis er þjálfari Hákons Þórs Svavarssonar sem keppir í leirdúfuskotfimi á Ólympíuleikunum í dag og hóf keppnina núna klukkan 7.30 að íslenskum tíma.

„Við erum mjög glaðir með að vera komnir á Ólympíuleikana og þetta verður skemmtileg barátta á morgun. Ég er mjög ánægður með undirbúninginn okkar,“ bætti sá gríski við.

Mavrommatis og Hákon kynntust í keppni árið 2015 og ná afar vel saman. Sá gríski hrósaði íslenska ólympíufaranum í hástert.

„Hákon er mikill baráttumaður og hann mun gefa allt sem hann á í þessa keppni. Svo sjáum við til hvað hann nær langt.

Hann er einn af mínum bestu vinum. Við erum ekki bara þjálfari og lærlingur heldur erum við mjög góðir vinir. Ef hann ætlar sér eitthvað þá tekst honum það. Hann er mjög sterkur andlega,“ sagði Marvrommatis.

Tengdar fréttir

Ólympíuleikarnir í París

Fæst orð bera minnsta ábyrgð

• Stjörnurnar áberandi í París (myndir)
• Umdeildur bardagi á Ólympíuleikunum vekur athygli
• Kanada áfram þrátt fyrir að sex stig voru dregin af
• Óvæntur leikmaður stigahæstur í stjörnuliðinu

» Fleiri tengdar fréttir

• Blogga um frétt