Marokkó vann auðveldan sigur á Bandaríkjunum í leik liðanna í átta liða úrslitum á Ólympíuleikunum í París í dag. 4:0 urðu lokatölur leiksins.
Soufiane Rahimi skoraði fyrsta mark leiksins eftir tæplega hálftíma úr vítaspyrnu og staðan var 1:0 í hálfleik. Ilias Akhomach bætti við öðru marki Marokkómanna á 63. mínútu og Achraf Hakimi kom Marokkó í 3:0 eftir sjötíu mínútur. El Mehdi Maouboub innsiglaði síðan afgerandi sigur Marokkó með fjórða markinu í uppbótartíma úr annarri vítaspyrnu.
Marokkó mætir sigurvegaranum í leik Japans og Spánar sem nú er nýhafinn.