Besti árangur Íslendings á Ólympíuleikum
Setja bókamerki
Hákon Þór Svavarsson hefur lokið leik í leirdúfuskotfimi með haglabyssu á sínum fyrstu Ólympíuleikum en seinni dagur undanrásanna fór fram í Châteauroux í dag.
Hákon varð í 23. sæti af 30 keppendum með 116 stig. Aðeins sex efstu fóru í úrslit.
Fyrstu þrjár umferðir undanrásanna fóru fram í gær þegar Hákon skaut 75 skot og hitti úr 69. Hann skaut síðan 50 skotum til viðbótar í dag í tveimur umferðum.
Í fyrri umferðinni hitti Hákon úr 22 skotum af 25 og var því samtals með 91 stig fyrir síðustu umferðina og í 26. sæti.
Hann gerði sér svo lítið fyrir og fékk fullt hús stiga, 25 stig, í lokaumferðinni og lauk því keppni með 116 stig, sem er besti árangur Íslendings í greininni á Ólympíuleikum.
Alfreð Karl Alfreðsson fékk 111 stig er hann hafnaði í 47. sæti á Ólympíuleikunum í Sydney.
Yfir fimmtíu manns innlyksa eftir skriður
Móðir þriggja barna þó aðeins tvö séu á lífi
Hefur áhyggjur af stöðunni fyrir botni Miðjarðarhafs
Telur ummæli Helga ekki alvarleg
Hætt við samkomulagið við skipuleggjanda 9/11
Aðsetursskráning Grindvíkinga skoðuð
Einu skrefi nær kvikuhlaupi eða gosi