Winfred Yavi, keníska hlaupakonan sem keppir fyrir hönd Barein, tryggði sér ólympíugull í 3.000 metra hindrunarhlaupi með glæsibrag þegar hún bætti ólympíumetið í greininni um rúmlega sex sekúndur á Ólympíuleikunum í París í kvöld.
Yavi kom í mark á 8:52,76 mínútum en fyrra ólympíumetið átti hin rússneska Gulnara Samitova-Galkina frá því í Peking árið 2008, 8:58,81 mínútur.
Peruth Chemutai frá Úganda vann til silfurverðlauna með því að hlaupa á 8:53,34 mínútum.
Faith Cherotich varð þriðja á 8:55,15 mínútum og krækti í brons.