Grikkinn Nikolaos Mavrommatis hefur þjálfað skotfimimanninn Hákon Þór Svavarsson að undanförnu en þeir hafa þekkst í tæpan áratug. Hákon náði flottum árangri í leirdúfuskotfimi undir handleiðslu þess gríska.

„Við hittumst fyrst árið 2015 og við höfum lagt mikið á okkur saman og sérstaklega eftir að við komumst að því að Hákon væri á leiðinni á Ólympíuleikana,“ sagði Marvrommatis við mbl.is.

„ÍSÍ og Skotsamband Íslands hefur gert mikið til að hjálpa okkur síðan í apríl. Hann kemur reglulega til Grikklands þar sem veðrið er betra og svipað því sem það er í Frakklandi,“ bætti hann við.

Kristinn Magnússon

Stærstan hluta árs er Hákon í fjarþjálfun hjá Mavrommatis en þeir reyna að hittast eins oft og möguleiki er á.

„Það er ekki auðvelt þótt við hittumst stundum á Íslandi og í Grikklandi. Það er auðveldara þegar Hákon kemur til mín vegna veðursins. Þegar ég kem til Íslands biðjum við fyrir góðu veðri. Það er erfiðara að skjóta þegar það er hvasst og/eða kalt,“ sagði hann.

Grikkinn hefur sjálfur náð langt í íþróttinni og m.a. keppt á tveimur Ólympíuleikum og unnið til verðlauna á stórmótum. Hann varð í níunda sæti á Ólympíuleikunum í London og 20. sæti í Tókýó.

„Ég var í London 2012 og Tókýó 2021. Ég hef unnið medalíur, þar á meðal gull, á HM og EM. Ég hef unnið til verðlauna í einstaklings- og liðsgreinum,“ sagði sá gríski.

Kristinn Magnússon

Tengdar fréttir

Ólympíuleikarnir í París

Rekin úr ólympíuþorpinu

• Vill fá að reykja á golfvellinum
• Næsti kafli að hefjast hjá Antoni
• Tölvuárás í París
• Gat verið fúl og sár lengi

» Fleiri tengdar fréttir

• Blogga um frétt