Frakkland er komið í úrslitaleikinn í körfubolta kvenna á Ólympíuleikunum í París eftir sigur á Belgíu, 81:75, eftir framlengdan leik í kvöld.
Frakkland mætir þar með Bandaríkjunum í úrslitaleiknum, en það eru einmitt einnig úrslitin karlamegin.
Belgía mætir Ástralíu í bronsleiknum.
Belgía var sterkari í fyrri hálfleik en í þeim seinni var franska liðið sterkara. Liðin skildu jöfn, 66:66, að lok venjulegum leiktíma og því þurfti framlengingu.
Þar var franska liðið mun sterkara, vann hana 15:9, og er komið í úrslitaleikinn.
Gabby Williams skoraði 18 stig fyrir Frakkland en Emma Meesseman skoraði 19 fyrir Belgíu.