Sveit Bandaríkjanna varð ólympíumeistari í 400 metra boðhlaupi kvenna á Stade de France í París í dag.
Sha'Carri Richardson var síðust og kom í mark á tímanum 41,78 sekúndur. Með henni í sveit eru Mellissa Jefferson, Twanisha Terry og Gabrielle Thomas.
Sveit Bretlands hafnaði í öðru sæti en Daryll Neita kom í mark á tímanum 41,85 sekúndur.
Sveit Þýskalands var síðan þriðja á tímanum 41,97 sekúndur.
Sveit Kanada kom þá fyrst í mark í 400 metra boðhlaupi karla og er ólympíumeistari á tímanum 37,50 sekúndur.
í sveitinni eru Aaron Brown, Jerome Blake, Brendon Rodney og Andre De Grasse.
Í öðru sæti var Suður-Afríka á tímanum 37,57 sekúndur og í þriðja sæti varð Bretland á tímanum 37,61 sekúnda.