Nýsjálendingurinn Lydia Ko er Ólympíumeistari í golfi á Ólympíuleikunum í París í dag. Ko lauk leik á 10 höggum undir pari en hún lék á 71 höggi í dag.
Þetta eru þriðju verðlaun hennar á Ólympíuleikunum en hún vann silfur í Ríó árið 2016 og bronsverðlaun í Tókýó árið 2021.
Þýski kylfingurinn Esther Henseleit tók silfrið en hún endaði á 8 höggum undir pari og hin kínverska Xiyu Lin vann brons en hún endaði á 7 höggum undir pari.
Gullverðlaunin í dag tryggðu Ko sæti í frægðarhöll LPGA en hún er aðeins 27 ára gömul.