Snæfríður Sól Jórunnardóttir lauk í síðustu viku keppni á sínum öðrum Ólympíuleikum. Hún bætti sig töluvert frá leikunum í Tókýó fyrir þremur árum og komst í undanúrslit í fyrsta skipti.

„Ég er mjög sátt og stolt af sjálfri mér og því sem ég hef verið að gera. Það var stórt skref að komast í undanúrslit og vera nálægt mínum bestu tímum. Þetta er góð upplifun,“ sagði Snæfríður er hún ræddi við mbl.is fyrir utan ólympíuþorpið í París.

Snæfríði tókst ekki að bæta Íslandsmetin sín í París, en færri met en oftast áður litu dagsins ljóst í lauginni í frönsku höfuðborginni.

„Það er búið að vera að tala um að þetta sé ekki hröð laug. Þetta eru samt eins aðstæður fyrir alla og þetta er keppni. Maður veit ekki hvað hefði gerst ef þetta væri hröð laug. Ég stýrði ekki lauginni og gat bara reynt mitt besta,“ sagði Snæfríður.

Tengdar fréttir

Ólympíuleikarnir í París

Sigurvegarinn frá Dóminíska lýðveldinu setti ólympíumet

• Danir héldu út og mæta Alfreð
• Bandaríkin örugglega í úrslitaleikinn
• Alfreð og Þjóðverjar í úrslitaleikinn
• Mögnuð endurkoma hjá bandarísku stjörnunum

» Fleiri tengdar fréttir

• Blogga um frétt