„Ég er stoltur af mér,“ sagði Anton Sveinn McKee í samtali við mbl.is um árangurinn sinn á Ólympíuleikunum í París, síðustu leikunum á ferlinum.

„Maður undirbjó sig eins vel og maður gat og reyndi að ná öllu út og svo fór þetta eins og það fór. Maður treysti á útfærslu á sundinu sem myndi skila manni sem mestu.

Því miður var þetta stöngin út í staðinn fyrir stöngin inn,“ sagði Anton sem missti af sæti í 200 metra bringusundi, sinni sterkustu grein.

„Ef maður hefði synt hálfri sekúndu hraðar hefði þetta verið allt eins og í draumi og planað. Ég get ekki verið svekktur. Maður reyndi sitt allra besta gegn þeim allra bestu og svona fór þetta. Maður hefði getað gert þetta einhvern veginn öðruvísi.“

Tengdar fréttir

Ólympíuleikarnir í París

Sautjánda ólympíugull bandaríska liðsins

• Þórir og Noregur ólympíumeistarar
• Sigurvegarinn frá Dóminíska lýðveldinu setti ólympíumet
• Danir héldu út og mæta Alfreð
• Bandaríkin örugglega í úrslitaleikinn

» Fleiri tengdar fréttir

• Blogga um frétt