Erna Sóley Gunnarsdóttir, sem keppti í kúluvarpi á Ólympíuleikunum í París, prófaði hinar ýmsu íþróttir áður en hún fann sig í kúluvarpinu.

„Ég var í öllu þegar ég var yngri, sundi, fimleikum, karate og lengst í handbolta,“ sagði Erna í samtali við mbl.is.

Hún hefur mikinn áhuga á handbolta enda er yngri bróðir hennar Þorsteinn Leó Gunnarsson atvinnu- og landsliðsmaður í íþróttinni.

„Ég byrjaði sem skytta en var síðan mest í markinu því ég var ekkert rosalega góð í að hlaupa, ólíkt yngri bróður mínum.

Svo fann ég mig í kúluvarpinu og ég er ánægð með að hafa fundið íþróttina mína eftir að hafa þorað að prófa aðrar íþróttir,“ sagði hún.

Tengdar fréttir

Ólympíuleikarnir í París

Afrekaði hið ómögulega í ógleymanlegu lokaatriði

• Doktor í breikdansi gerði allt vitlaust á Ólympíuleikunum
• Myndir: Lokahátíð Ólympíuleikanna
• Hver er maðurinn á sundskýlunni?
• Vésteinn með ómissandi ráð

» Fleiri tengdar fréttir

• Blogga um frétt