Ólympíumeistarinn kærir Musk og Rowling

Imane Khelif, ólympíumeistari í 66 kg flokki kvenna, hefur lagt fram kæru vegna netníðs í sinn garð. Breski rithöfundurinn J.K. Rowling og Elon Musk, eigandi X og Teslu, eru á meðal nafna sem koma fyrir í kærunni.

Khelif féll á kynjahæfnisprófi á síðasta ári en stóðst það fyrir leikana og vakti mikla athygli af þeim sökum.

Frétt af mbl.is

„Ég er kona og ég keppi sem kona“

Fjöldi fólks hóf að tala um hana á samfélagsmiðlum sem karlmann sem væri að keppa við konur og þeirra á meðal voru Rowling og Musk.

Nabil Boudi, lögmaður Khelif, greindi frá því í samtali við Variety að þau væru bæði á meðal þeirra sem nefnd voru í kærunni sem var lögð fyrir sérstaka deild saksóknaraembættisins í París, sem berst gegn netníði, á föstudag.

• 1 blogg um fréttina

Bloggað um fréttina

• Sigurður Kristján Hjaltested: Karlkvenmaður..??