Thierry Henry hefur sagt starfi sínu sem þjálfari U21 árs landsliðs Frakklands í fótbolta lausu. Undir stjórn Henry endaði franska liðið í öðru sæti Ólympíuleikanna í París fyrr í mánuðinum.

Knattspyrnusamband Frakklands greindi frá í dag og sagði Henry hafa óskað eftir því að hætta með liðið vegna persónulegra ástæðna.

Er Henry hrósað í yfirlýsingu sambandsins, þar sem tekið er fram að Frakkland hafði ekki leikið til úrslita á Ólympíuleikunum frá því í Los Angeles árið 1984 þar til Henry tók við. 

Framherjinn fyrrverandi var áður aðstoðarþjálfari A-landsliðs Belgíu og aðalþjálfari Montreal í Kanada og Mónakó í heimalandinu.

Tengdar fréttir

Ólympíuleikarnir í París

Setti Íslandsmet á Paralympics og undirbýr nú stórtónleika

• Stjarnan ólétt og Þórir vissi ekki neitt
• Missti af jarðarför föður síns
• Vann ólympíugullið ólétt
• Sænsk vonarstjarna í þriggja mánaða bann

» Fleiri tengdar fréttir

• Blogga um frétt