Már Gunnarsson tryggði sér sæti í átta manna úrslitum í 100 metra baksundi í S11-flokki blindra þegar hann hafnaði í sjötta sæti í undanúrslitum á Paralympics-leikunum í París í morgun.
Már synti á 1:11,38 mínútum en Íslandsmet hans í greininni er 1:10,36 mínútur.
Úrslitin fara fram í dag og hefjast klukkan 16.31.
Af íslensku keppendunum fimm í París er Thelma Björg Björnsdóttir næst til að stíga á stokk. Hún keppir klukkan 9.25 í dag í 100 metra bringusundi í S6-flokki hreyfihamlaðra.