Góð veiði í Leirársveit

Veiði í Laxá í Leirársveit hefur verið góð það sem af er sumri. Eftir að rigningar síðustu daga þá hefur veiðin tekið kipp.  

Að sögn Jóns Ásgeirs Gestsonar leiðsögumanns við ánna þá er mikill lax í ánni og hefur nú dreift sér vel um alla á. Jóni sagði að draumavatn væri nú í ánni og smálaxinn sé óvenju vænn þetta sumarið. Algeng stærð á honum sé 64 til 68 sentímetra og nánast ekkert verði vart við illa haldna örlaxa.

Til viðbótar við laxinn hafi að undanförnu verið að veiðast talsvert mikið af vænum sjóbirtingi allt að 8 pund. Talsverð ganga af nýjum laxi kemur inn á hverju flóði og væru til dæmis Vaðstrengir og Laxfoss enn sjóðandi af laxi þó komið sé fram í miðjan ágúst.

Í kvöld voru komnir rúmlega 600 laxar á land, en í fyrra var afar léleg veiði í ánni þegar aðeins veiddust 402 laxar allt sumarið. Fram kom hjá Jóni Ásgeir að síðasta tveggja daga holl sem hætti á hádegi í dag hafi endað með 34 laxa á sjö stangir, en að auki veiddust 11 sjóbirtingar og þar af einn 8 punda úr Sunnefjufossi og annar 8 punda kom á land úr Vaðstreng I á síðdegisvaktinni í dag.

• Blogga um frétt

Seinustu hundraðkallar sumarsins