Félagið Eyjamenn ehf., sem ræður yfir rúmlega helmingi hlutabréfa í Vinnslustöðinni, hefur þegar ákveðið að taka ekki væntanlegu samkeppnistilboði frá Stillu ehf. í öll hlutabréf Vinnslustöðvarinnar. Eyjamenn hafa ákveðið að framlengja gildistíma eigin yfirtökutilboðs í bréf Vinnslustöðvarinnar komi fram tilboð frá Stillu.

Í tilkynningu til Kauphallar Íslands frá Eyjamönnum segir, að félagið hafi gert hluthöfum í Vinnslustöðinni opinbert yfirtökutilboð þar sem boðnar voru 4,60 krónur á hvern hlut. Í tilefni af tilkynningu um samkeppnistilboð Stillu á genginu 8,50 hafi Eyjamenn ákveðið að gefa þeim hluthöfum í Vinnslustöðinni, sem samþykkt hafa tilboð Eyjamanna ehf. með formlegum hætti, kost á að endurmeta samþykki sitt við tilboðinu. Bréf þar að lútandi hafi verið póstlagt til viðkomandi hluthafa núna um helgina.

Í tilkynningu Eyjamanna segir síðan:

Eyjamenn ehf. vilja jafnframt vekja athygli hluthafa Vinnslustöðvarinnar hf. á því að eftirfarandi kostir standa þeim meðal annars til boða:
1. Að selja Stillu ehf. hlutabréfin fyrir 8,5 kr. á hlut.
2. Að samþykkja kauptilboð Eyjamanna ehf. upp á 4,6 kr.
3. Að eiga hlutabréfin sín í Vinnslustöðinni hf. áfram, enda er hluthöfum ekki skylt að selja hlutabréf sín í félaginu.

Tengdar fréttir

Vinnslustöðin

VSV langtímafjárfesting

• Tókst ekki að kaupa 35% í Vinnslustöð
• Nýta sér ekki kauprétt í Vinnslustöðinni
• Vona að sátt náist um rekstur Vinnslustöðvarinnar
• Ákvörðun um hlutahafafund tekin í næstu viku

» Fleiri tengdar fréttir

• Blogga um frétt