Segja tilhæfulausar dylgjur í beiðni um hluthafafund
Setja bókamerki
Framkvæmdastjóri og stjórnarmaður í Vinnslustöðinni hafa sent frá sér yfirlýsingu þar sem segir, að forráðamenn eigenda þriðjungs hlutafjár í félaginu, sem nú hafa óskað eftir nýjum hluthafafundi, geri það í þeim eina tilgangi að gera stjórnendur og meirihlutaeigendur Vinnslustöðvarinnar tortryggilega með tilhæfulausum dylgjum sem felist í bréfi til stjórnar félagsins.
Yfirlýsingin er eftirfarandi:
- Forráðamenn Stillu útgerðar hf., Línuskipa ehf. og KG fiskverkunar ehf., eigendur um þriðjungs hlutafjár í Vinnslustöðinni hf., hafa sent stjórnarformanni Vinnslustöðvarinnar beiðni um hluthafafund í félaginu til að fjalla um tiltekin málefni þess. Meðal annars er óskað eftir rannsókn á viðskiptum félagsins og einstakra stjórnenda, samningum við fyrirtæki og viðskiptabanka.
Umrætt erindi var boðsent stjórnarformanni Vinnslustöðvarinnar seint í gærkvöld og stjórninni hefur ekki gefist ráðrúm til að fjalla um það. Aðstandendur erindisins kusu engu að síður að koma boðskap sínum á framfæri við fjölmiðla þegar í stað og reyndar höfðu ekki allir stjórnarmenn VSV fengið bréfið í hendur þegar um það var fjallað í útvarpsfréttum í kvöld. Augljóst er að aðstandendur erindisins birta það á þennan hátt í þeim tilgangi að gera stjórnendur og meirihlutaeigendur Vinnslustöðvarinnar tortryggilega með tilhæfulausum dylgjum sem felast í bréfinu til stjórnar félagsins. Þeim aðdróttunum vísum við af gefnu tilefni til föðurhúsa.
Stjórn Vinnslustöðvarinnar mun að sjálfsögðu taka umrætt erindi fyrir og því verður síðan svarað á réttum vettvangi.
Undir þetta skrifa Sigurgeir B. Kristgeirsson, framkvæmdastjóri Vinnslustöðvarinnar og Haraldur Gíslason, stjórnarmaður.
„Afar skemmtilegt verkefni“
„Svarið er held ég flestum augljóst“
„Viljum ekki að þjónustan sé svona“
Svandís: Skuli stefnt að kosningum í vor
Skrifar um ást og sorg í lífi Jónasar
„Ég bjóst ekki við þessum mikla halla“
Félagsmenn Sameykis talað fyrir úrsögn úr BSRB
„Við erum bara ekki nógu mörg“
