Ísfélag Vestmannaeyja hf. og Kristinn ehf. hafa ákveðið að hafna því að nýta sér kauprétt að eignarhlutum í Vinnslustöðinni hf., sem eru í eigu Stillu ehf. og tengdra félaga í eigu bræðranna Guðmundar og Hjálmars Kristjánssona.

Gerður var kaupréttarsamningur 24. nóvember en frestur til
að nýta kaupréttinn var til kl. 16 í dag.

Hlutur þeirra Guðmundar og Hjálmars Kristjánssona í Vinnslustöðinni nemur um 32% af heildarhlutafé. Fram kom hjá Gunnlaugi Sævari Gunnlaugssyni, stjórnarformanni Ísfélagsins, í nóvember, að  kaupréttarsamningurinn væri háður því að fjármögnun fáist, einnig því að nýju félagi í eigu Ísfélagsins og Kristins takist að tryggja sér 35% hlutafjár og að lokum því að samkomulag náist við meirihlutaeigendur og stjórnendur Vinnslustöðvarinnar um rekstur félagsins. 

Mikil læti urðu í kringum eignarhald á Vinnslustöðinni í sumar þegar þeir Guðmundur og Hjálmar gerðu yfirtökutilboð í félagið en urðu undir í baráttu um það við Eyjamenn ehf. sem reyndar buðu töluvert lægri upphæð. 

Tengdar fréttir

Vinnslustöðin

VSV langtímafjárfesting

• Tókst ekki að kaupa 35% í Vinnslustöð
• Vona að sátt náist um rekstur Vinnslustöðvarinnar
• Ákvörðun um hlutahafafund tekin í næstu viku
• Ísfélagið vill kaupa hlut Stillu í Vinnslustöðinni

» Fleiri tengdar fréttir

• Blogga um frétt