Tókst ekki að kaupa 35% í Vinnslustöð
Setja bókamerki
Gunnlaugur Sævar Gunnlaugsson, stjórnarformaður Ísfélagsins, segir að meginástæða þess að kauprétturinn á bréfum Stillu hafi ekki verið nýttur sé sú að ekki hafi tekist að uppfylla meginskilyrði Ísfélagsins og Kristins ehf. um að auka hlutinn í Vinnslustöðinni í 35%, ekki aðeins að kaupa 32% hlut Stillu og tengdra félaga.
„Við gerðum tilboð í hlut Lífeyrissjóðs Vestmannaeyja, sem við höfðum góðar vonir um að fá keyptan, en lífeyrissjóðurinn tilkynnti okkur um að hann myndi ekki selja. Í gærkvöldi varð ljóst að við myndum því ekki ná þessu 35% marki, sem var algjört skilyrði af okkar hálfu. Því ákváðum við ekki að fara lengra með málið," segir Gunnlaugur Sævar.
Önnur helstu skilyrði Ísfélagsins og Kristins fyrir nýtingu kaupréttarins voru fjármögnun á kaupunum og samkomulag við stjórnendur Vinnslustöðvarinnar um framtíðarrekstur fyrirtækisins. Gunnlaugur Sævar segir fjármögnunina ekki hafa verið vandamál en hitt hafi verið í vinnslu. Ágætur andi hafi verið í viðræðum við forráðamenn Vinnslustöðvarinnar.
Drónamyndskeið frá hápunkti gossins í nótt
Spara stórfé með olíukaupum ytra
Hraunið náð Njarðvíkuræð: Fylgjast með raflínu
Ástæða til að ætla að eldgosahrinu fari að ljúka
Litlar líkur á að hraunið nái til mannvirkja
Hraunið við bílastæði Bláa lónsins
Börn hafi engan rétt á leikskólakennslu