Íris Björk Hreinsdóttir, lögfræðingur hjá Fjármálaeftirlitinu, segir að ekki hafi verið komin niðurstaða í máli Kaupþings og NIBC, það er hvort eftirlitið heimilaði kaupin.

Eins og fram kom á mbl.is fyrr í dag hefur Kaupþing hætt við kaupin á hollenska bankanum NIBC.

Hreiðar Már Sigurðsson, forstjóri Kaupþings, sagði við mbl.is, að viðræður um að slíta kaupsamningnum hafi staðið yfir í nokkrar vikur og að bankinn hafi upplýst Fjármálaeftirlitið um þær viðræður.

Að sögn Írisar tjáir Fjármálaeftirlitið sig almennt ekki um samskipti sín við þá aðila sem eru til skoðunar við fjölmiðla og það gildi í þessu máli sem öðrum. Hún staðfestir hins vegar að Fjármálaeftirlitið hafi verið upplýst í þessu máli enda sé það hluti af starfi eftirlitsins að leita eftir upplýsingum hjá aðilum mála.

Tengdar fréttir

Kaupþing og hollenski bankinn

Telja fáa standa betur en Kaupþing banka

• Kaupþing og JC Flowers bjuggust við synjun FME
• Áttu að verða stærstu viðskipti sögunnar
• Áfram kalt á lánamarkaði
• Hægir á útrásinni

» Fleiri tengdar fréttir

• Blogga um frétt