Baugur að selja MK One?
Setja bókamerki
Baugur Group hefur sett bresku tískuvörukeðjuna MK One í sölu, samkvæmt frétt á vef breska dagblaðsins Times. Í tilkynningu frá Baugi frá því í síðustu viku kom fram að MK One væri meðal þeirra eigna félagsins sem yrðu áfram í eigu félagsins.
Samkvæmt heimildum Times hefur Baugur leitað til Deloitte um sölu á keðjunni. Rekstur MK One hefur gengið brösuglega en á síðasta ári nam tap keðjunnar 17,4 milljónum punda. Hefur orðrómur verið uppi um framtíð keðjunnar í fjármálalífi Lundúnaborgar að undanförnu, samkvæmt Times.
Baugur keypti MK One í nóvember 2004 á 55 milljónir punda. Keðjan hefur átt í harðri samkeppni að undanförnu við verslanir eins og Primark, Peacocks og stórar verslunarkeðjur í Bretlandi. Á síðasta rekstrarári, sem lauk þann 27. janúar sl. námu sölutekjur MK One 118 milljónum punda samanborið við 169 milljónir punda árið á undan.
Ekki vandamál að vera karlmaður
Þarf að koma til móts við ólíkar þarfir lækna
„Höfum sloppið bærilega með skaða af þessu gosi“
Hraun kemur úr þremur gígum: Virknin stöðug
Sjötti ferðamaðurinn er látinn
Viðræður ekkert þokast frá því á þriðjudag
Reiðubúin að aflýsa verkföllum í fjórum leikskólum
Hótar Bretum og Bandaríkjamönnum
