Gengi krónunnar styrkist mikið
Setja bókamerki
Gengi krónunnar styrktist til muna eftir að fréttir bárust af því að Seðlabankinn hefði gert gjaldeyrissamninga við norræna seðlabanka. Gengisvísitalan hefur lækkað um 3,41% það sem af er og er 150 stig. Norski viðskiptavefurinn na24 segir í fyrirsögn, að samningarnir séu neyðaraðstoð við íslenska seðlabankann.
Vefurinn hefur eftir Svein Haga, sem er sérfræðingur í gjaldeyrismálum, að íslenski seðlabankinn fái nú gjaldeyrisvarasjóð þar sem íslenska krónan sé undir þrýstingi.
„Það er ljóst að það er norrænn vilji til að koma Íslandi til aðstoðar," segir Haga og bendir á að þetta muni veita viðnám gegn þeim spákaupmönnum, sem vilji þrýsta gengi krónunnar niður á við. Þá geti íslenski seðlabankinn útvegað íslensku bönkunum evrur ef þeir þurfi á að halda.
Þetta sé til þess fallið að koma á stöðugleika hjá bankanum og gjaldmiðlinum.
„Höfum sloppið bærilega með skaða af þessu gosi“
Ekki vandamál að vera karlmaður
Hentugt gos fyrst gýs á annað borð
Reiðubúin að aflýsa verkföllum í fjórum leikskólum
Yfir 300 stæði fóru undir hraun
Hópur fólks reyndi að komast að eldgosinu
Pútín reynir allt til að forðast aðra herkvaðningu
