Verð á hráolíu hefur lækkað umtalsvert í dag eftir að ljóst varð að dregið hafði úr styrk fellibylsins Gustavs. Fyrr í dag hafði hráolíuverð hækkað um tæpa þrjá dali á tunnuna. Það sem af er degi hefur verið á hráolíu lækkað um 2,24 dali tunnan í 113,22 dali í rafrænum viðskiptum á NYMEX markaðnum í New York. Fór verðið hæst í 118,25 dali tunnan fyrr í dag.

Á föstudagskvöldið lækkaði verð á hráolíu um 13 sent og var lokaverðið 115,46 dalir tunnan.

Í Lundúnum hefur verð á Brent Norðursjávarolíu lækkað um 2,50 dali og er 111,55 dali tunnan. NYMEX markaðurinn er lokaður í dag vegna frídags í Bandaríkjunum og því einungis um rafræn viðskipti að ræða.

Tengdar fréttir

Fellibylurinn Gustav

Fellibylur nær landi

• Dregur úr styrk fellibyls
• Gustav nálgast New Orleans
• Olíuverð á uppleið
• Bush fer ekki á flokksþing repúblikana

» Fleiri tengdar fréttir

• Blogga um frétt