Opera stefnir upp

Norska hugbúnaðarfyrirtækinu Opera, sem framleiðir m.a. netvafra fyrir farsíma, hefur gengið vel á síðustu mánuðum og var hagnaður fyrirtækisins tvöfalt meiri á síðasta ársfjórðungi en búist var við. Gengi bréfa fyrirtækisins hækkaði um 10% í kauphöllinni í Ósló strax í morgun.

Að sögn norskra fjölmiðla er höfuðástæðan fyrir þessum árangri farsímavafrinn Opera Mini og mikil aukning á notkun netsins í farsímum. 

Hagnaður fyrir skatta nam 47 milljónum norskra króna sem var 53% aukning frá fyrra ársfjórðungi. 

Gengi bréfa Opera hefur hækkað um 30% í norsku kauphöllinni á þessu ári. 

• 1 blogg um fréttina

Bloggað um fréttina

• Brjánn Guðjónsson: Dulin skilaboð?