Vodafone fagnar aðgerðum Samkeppniseftirlitsins, enda mun rannsókn á fjarskiptamarkaðnum taka af allan vafa um eðlilega og heiðarlega viðskiptahætti fyrirtækisins, að því er segir í tilkynningu frá félaginu vegna húsleitar starfsmanna Samkeppniseftirlitsins, sem í morgun komu í höfuðstöðvar Vodafone til að kanna hvort fyrirtækið fari ekki í einu og öllu eftir samkeppnislögum.

„Virk samkeppni á fjarskiptamarkaði er grundvallarforsenda í rekstri Vodafone. Án slíkrar samkeppni væri fyrirtækið ekki til og rannsókn Samkeppniseftirlitsins mun staðfesta að fjarskiptafyrirtækin á Íslandi eiga í harðri samkeppni. Starfsfólk Vodafone mun aðstoða fulltrúa Samkeppniseftirlitsins á allan þann hátt sem óskað verður eftir og leggja sitt að mörkum svo eftirlitið geti unnið sitt starf hratt og vel," að því er segir í fréttatilkynningu frá Vodafone.

Tengdar fréttir

Teymi húsleit

Auður I kaupir Tal

• Ekki í bakherbergjum
• Teymi gert að greiða 70 milljónir í sekt
• Máli Teymis vísað frá dómi
• Dramatíkin í Tali heldur áfram

» Fleiri tengdar fréttir

• 1 blogg um fréttina

Bloggað um fréttina

• Kristján Helgi Bjartmarsson: Fögnuður