Skilanefnd Landsbanka Íslands lagði í dag fram beiðni um greiðslustöðvun BG Holding ehf. fyrir enskan dómstól. BG Holding er dótturfélag Baugs Group hf. en meðal fjárfestinga félagsins eru matvöruverslanirnar Iceland Foods, verslunarmiðstöðvar House of Fraser og leikfangaverslanir Hamleys.

Í morgun óskaði stjórn Baugs eftir því við Héraðsdóm Reykjavíkur að Baugi, BG Holding og fleiri félögum tengdum Baugi, verði veitt greiðslustöðvun hér á landi.

Skilanefnd Landsbanka Íslands er stærsti kröfuhafi BG Holding. Í tilkynningu segir að skilanefndin og Baugur hafi um nokkra hríð leitað leiða til lausnar þeim fjárhagsvanda sem steðji að BG Holding.  Í þeim viðræðum hafi  skilanefndin notið aðstoðar PricewaterhouseCoopers UK, og lögfræðistofunnar SJ Berwin UK sem skilanefndin réð til verksins. 

Það hafi verið álit ráðgjafa skilanefndarinnar að hagsmunir enskra félaga í eigu   BG Holding og kröfuhafa Landsbanka Íslands væru best tryggðir með því að fara þá leið að leggja fram beiðni um greiðslustöðvun BG Holding   fyrir enskan dómstól. 

Tengdar fréttir

Baugur í greiðslustöðvun

Lánastefna Glitnis svipuð og Kaupþings

• Franskt skíðasetur Jóns Ásgeirs til sölu
• Lífeyrissjóðir krefjast 4,4 milljarða úr Baugsbúi
• Réttaróvissa um veð Nýja Kaupþings
• Kröfuhafar Baugs funda

» Fleiri tengdar fréttir

• Blogga um frétt