Svar gefið við almennri spurningu

Fjármálaeftirlitið segir, að í frétt Morgunblaðsins í dag sé fullyrt að stofnunin hafi vísað rannsókn á fjárfestingum ákveðinna peningamarkaðssjóða til  sérstaks saksóknara og vitnar blaðið til ónafngreindra heimilda í því sambandi. Í fréttinni sé enn fremur haft eftir Fjármálaeftirlitinu  að rannsóknir þess á peningamarkaðssjóðum standi enn yfir og að vonandi sé niðurstaðna að vænta á næstu vikum. 

„Fjármálaeftirlitið vill taka fram að svar þess var gefið við almennri spurningu um hvað væri að frétta af rannsóknum á peningamarkaðssjóðum. Það beindist ekki sérstaklega að fjárfestingum þeirra eins og mögulega má skilja af lestri greinarinnar. Fjármálaeftirlitið ítrekar að það gaf blaðamanninum engar aðrar upplýsingar," segir á heimasíðu stofnunarinnar.

Þá bendir Fjármálaeftirlitið einnig á, að í umfjöllun Morgunblaðsins hafi veirð miðað við að peningamarkaðssjóðir hafi haft sömu fjárfestingarheimildir og verðbréfasjóðir. Staðreyndin sé sú að allir peningamarkaðssjóðir voru fjárfestingarsjóðir en um þá gildi talsvert rýmri fjárfestingarheimildir.

• 1 blogg um fréttina

Bloggað um fréttina

• Ómar Sigurðsson: Þokukend yfirlýsing frá fjármálaeftirliti. Á kanski að stinga þessu undir …