Auður I fagfjárfestasjóður slf. hefur  keypt allt hlutafé IP-fjarskipta ehf. (Tal), en seljendur félagsins eru, Teymi hf., NBI hf., Hermann Jónasson og Fjallaskarð ehf. Virðing hf. hafði milligöngu um viðskiptin fyrir hönd Auðar I fagfjárfestasjóðs.  Félagið var boðið til sölu með auglýsingu sem birtist í fjölmiðlum þann 17. maí síðastliðinn og var öllum fjárfestum sem uppfylltu tiltekin hæfisskilyrði  gefinn kostur á að taka þátt í söluferlinu.
 
Tindar verðbréf hf. önnuðust söluferli félagsins fyrir hönd seljenda og nutu ráðgjafar LOGOS lögmannsþjónustu við söluferlið.
Kaupverð er trúnaðarmál á milli kaupanda og seljenda og mun kaupandi taka við stjórn félagsins á komandi vikum, samkvæmt fréttatilkynningu.

Í frétt Morgunblaðsins frá síðasta hausti kemur fram að Landsbankinn (NBI) fari með 82 prósenta eignarhlut í Tali eftir að hafa tekið yfir félagið Fjallaskarð (áður Capital Plaza ehf.) sem var í eigu Jóhanns Óla Guðmundssonar, en það félag fór með tæplega 32 prósenta hlut í Tali. Þá á bankinn meirihluta í Teymi sem á 51 prósents hlut í Tali.

Teymi skuldbatt sig til þess að selja 51 prósents eignarhlut sinn í Tali með sátt sem það gerði við Samkeppniseftirlitið í júlí í fyrra vegna samkeppnisbrota sem fyrirtækið varð uppvíst að sem meirihlutaeigandi í Tali.

Tengdar fréttir

Teymi húsleit

Ekki í bakherbergjum

• Teymi gert að greiða 70 milljónir í sekt
• Máli Teymis vísað frá dómi
• Dramatíkin í Tali heldur áfram
• Frelsisbarátta við fínslípaða yfirgangsmaskínu

» Fleiri tengdar fréttir

• Blogga um frétt