Óvíst með hvort rannsókn verði haldið áfram
Setja bókamerki
Yfirmaður efnahagsbrotadeildarbresku lögreglunnar, Serious Fraud Office, David Green, mun taka ákvörðun um hvort rannsókn á Vincent Tchenguiz í tengslum við fall Kaupþings verði haldið áfram fyrir 18. júní. Hann mun einnig leggja fram gögn sem hald var lagt á í húsleit hjá Vincent Tchenguiz. Þetta kemur fram í yfirlýsingu sem SFO lagði fram fyrir dómi í Lundúnum í dag. Bloomberg fréttastofan greinir frá þessu.
Vincent og bróðir hans, Robert Tchenguiz, óskuðu eftir því að dómari færi yfir ástæður þess að þeir voru handteknir í mars í fyrra af SFO í tengslum við Kaupþingsrannsókn stofnunarinnar. Hafa þeir bræður farið fram á 100 milljónir punda í bætur vegna handtökunnar.
Lögmaður Vincent Tchenguiz, Peter Goldsmith, segir í samtali við Bloomberg að yfirlýsing SFO bendi til þess að SFO muni hætta rannsókninni. Ekki séu nein rök fyrir áframhaldandi rannsókn.
Sólveig Anna furðar sig á aðferðum kennara
Hótar Bretum og Bandaríkjamönnum
Vegirnir voru eins og borðstofuborð
Sjötti ferðamaðurinn er látinn
Reiðubúin að aflýsa verkföllum í fjórum leikskólum
Hentugt gos fyrst gýs á annað borð