Rannsókn á Vincent Tchenguiz hætt
Setja bókamerki
Fréttavefur breska dagblaðsins Daily Telegraph greinir frá því í dag að efnahagsbrotadeild bresku lögreglunnar, Serious Fraud Office, hafi hætt rannsókn á kaupsýslumanninum Vincent Tchenguiz en hann og bróðir hans Robert voru handteknir á síðasta ári og húsleit gerð á heimilum þeirra og skrifstofum í tengslum við rannsókn SFO á viðskiptum þeirra við Kaupþing í aðdraganda bankahrunsins hér á landi.
Fram kemur í yfirlýsingu frá Tchenguiz í dag að hann hafi alltaf haldið fram sakleysi sínu og ítrekað útskýrt fyrir SFO að stofnunin hefði hann fyrir rangri sök en rannsókninni hefði engu að síður verið haldið til streitu vegna þrjósku. Mannorð hans og fyrirtækja hans hefði beðið mikinn skaða af málinu.
Fram kemur í fréttinni að búist sé við að yfirmaður SFO, David Green, muni síðar senda frá sér tilkynningu þar sem greint verði frá þeim mistökum sem gerð voru við rannsókn málsins.
Yfir 300 stæði fóru undir hraun
Þarf að koma til móts við ólíkar þarfir lækna
Hentugt gos fyrst gýs á annað borð
Sólveig Anna furðar sig á aðferðum kennara
Ekki vandamál að vera karlmaður
Rússar sagðir útvega N-Kóreu milljón olíutunnur