Evrópski seðlabankinn hefur ekki enn byrjað að kaupa aftur ríkisskuldabréf frá evruríkjunum eins og búist var við. Eftir ræðu Marios Draghi í síðustu viku þess efnis að bankinn „væri tilbúinn að gera hvað sem er til að vernda evruna“ hafði verið búist við því að tekin yrði aftur upp sú stefna að kaupa ríkisskuldabréf á hagstæðum vaxtakjörum og styðja við evrulönd í fjárhagsvandræðum. Samkvæmt gögnum yfir síðustu viku keypti seðlabankinn ekki nein skuldabréf. 

Eftir fyrrnefnda ræðu Draghis tóku markaðir í Evrópu töluvert við sér og lækkaði vaxtakrafa á spænsk og ítölsk skuldabréf nokkuð auk þess sem hlutabréf fóru hækkandi um alla álfuna. Næsta fimmtudag mun bankinn halda mánaðarlegan fund og er búist við að Draghi muni þá kynna áform um að byrja aftur að kaupa skuldabréf evruríkjanna eftir að hafa ekki gert slíkt síðustu 20 vikurnar.

Tengdar fréttir

Efnahagsvandræði á evrusvæðinu

Íhugar að sparka Grikkjum úr evrusamstarfi

• Frakkar á leið í samdráttarskeið
• Hlutabréf falla í Evrópu
• Byrjar aftur að kaupa skuldabréf
• Óbreyttir stýrivextir

» Fleiri tengdar fréttir

• Blogga um frétt